Казанда 55 яшьлек велосипедчыны бәрдерү очрагының шаһитларын эзлиләр

Юл-транспорт һәлакәте 29-нчы июньдә Мир урамы буенча урнашкан 29а номерлы йорт каршында булган.

(Казан шәһәре KZN.RU, 1-нче июль). Казанда 55 яшьлек велосипедчыны бәрдерү очрагының шаһитларын эзлиләр. Һәлакәт 29-нчы июнь 20.00 сәгатьтә Мир урамындагы 29а номерлы йорт каршында булган. Юл-транспорт һәлакәте нәтиҗәсендә зыян күрүченең кабыргалары күп җирдән сынган. Һәлакәттә гаепле машина йөртүче вакыйга урыннан качкан.

Казан дәүләт автоинспекциясе әлеге вакыйга шаһитларын түбәндәге телефоннар аша мөрәҗәгать итүләрен сорый: (843) 5-333-819, 5-333-848. Исегезгә төшерәбез, юл-транспорт һәлакәтләреннән качып киткән өчен транспорт чаралары белән идарә итү хокукыннан бер елдан алып бер ел ярымга кадәр мәхрүм итү яки 15 тәүлеккә кадәр административ кулга алу рәвешендә җәза каралган.

Казанның ЮХИДИ мәгълүматларына караганда, 28-нче июньнән 30-нчы июньгә кадәр шәһәрдә 417 юл-транспорт һәлакәте теркәлгән.

Шулай ук укыгыз

Барлык яңалыклар