Казанда балаларны беренче класска кабул итү бара

Баланы мәктәпкә тиешле уку учреждениеләре комиссияләрендә яки ТР Дәүләт һәм муниципаль хезмәтләр порталында язып була.

(Казан шәһәре KZN.RU, 4-нче февраль). Казанда балаларны беренче сыйныфка кабул итү бара. Үз баласын уку йортына билгеле график буенча эшләүче тиешле комиссияләрдә яки ТР Дәүләт һәм муниципаль хезмәтләр порталында язып була.

Мәктәпкә кабул итү өчен ата-аналарга шәхси гариза бирергә, шәхесне раслаучы документның оригиналын, шулай ук баланың мәктәпкә беркетелгән территориядә яшәвен раслаучы документларны күрсәтергә кирәк. Документлар 30 июньгә кадәр кабул ителә. Мәктәпләр балаларны беренче сыйныфларга, документларны кабул иткәч, 7 эш көне дәвамында кабул итәләр, булачак беренче сыйныф укучыларының исемлеге уку йортының мәгълүмат стендында урнаштырыла. Мәктәп беркетелгән территориядә яшәүче балаларга килгәндә, алар 1 июльдән генә буш урыннарга кабул ителә.

Татарстан Республикасы Мәгариф һәм фән министрлыгы беренче сыйныфка кабул иткәндә балалар өчен керү имтиханнарының үткәрелмәвенә игътибар итә. Әмма уку йортында балалар сыйныфлары буенча алга таба бүлү өчен баланы әзерләү дәрәҗәсен билгеләү өчен әңгәмә уздырырга мөмкин. Теләсә кайсы очракта, әңгәмә нәтиҗәләренә карамастан, бала укуга кабул итәргә тиеш, дип ышандыралар республика ведомствосында.

2019-2020 уку елына Татарстанның 1400-дән артык мәктәбендә, аерым алганда, Казанның 188 мәктәбендә 53 меңнән артык беренче сыйныф укучысы кабул итү планлаштырыла.

Шулай ук укыгыз

Барлык яңалыклар