Казанда ЮХИДИ җәяүлене һәм велосипедта йөрүчене бәрдерү очракларының шаһитларын эзли

Юл-транспорт һәлакәтләре 3-нче августта булган, ике очракта да машина йөртүчеләр авария урыннарыннан качкан.

(Казан шәһәре KZN.RU, 4-нче август). Казан дәүләт автоинспекциясе җәяүле һәм велосипедта йөрүчене бәрдерү очракларының шаһитларын эзли. Юл-транспорт һәлакәтләре 3-нче августта кичен булган, ике очракта да машина йөртүчеләр авария урыннарыннан качкан.

19.00 сәгатьтә Короленко урамындагы 37-нче номерлы йорт ишегалдында билгесез машина йөртүче 81 яшьлек хатынны бәрдергән. Юл-транспорт һәлакәте нәтиҗәсендә аның сул кулбаш буынының йомшак тукымалары имгәнгән, сул күкрәк читлеге бәрелгән.

21.00 сәгатьтә М.Вахитов һәм Яруллин урамнары чатында велосипедта йөрүче 17 яшьлек кызны бәрдергәннәр. Юл-транспорт һәлакәте нәтиҗәсендә аның баш түбәсенең йомшак тукымалары бәрелгән.

Казан дәүләт автоинспекциясе шаһитларны түбәндәге телефоннарга шалтыратуларын сорый: +7(843)5-333-819, +7(843)5-333-848.

Үткән тәүлектә Казанда 162 юл-транспорт һәлакәте теркәлгән, шуларның 5-есе зыян күрүчеләр белән - 2 транспорт чаралары бәрелеше, машина йөрү өлешендә автомобиль тәгәрәве, велосипедчыны бәрдерү, җәяүлене бәрдерү. Нәтиҗәдә юл-транспорт һәлакәтендә катнашкан 5 кеше - 3 пассажир, җәяүле һәм велосипедчы төрле дәрәҗәдәге җәрәхәтләр алды.

Шулай ук укыгыз

Барлык яңалыклар