Казанда китап культурасы хезмәткәрләре өчен һөнәри программа эшли башлаячак

Ул Җәйге китап фестивале кысаларында «Смена» заманча мәдәният үзәге тарафыннан оештырылачак

Фото: Марат Мөгыйнов

8-9 нчы июньдә «Смена» заманча мәдәният үзәге тарафыннан оештырыла торган җәйге фестиваль көннәрендә китап культурасы хезмәткәрләре өчен «Китаплар шәһәрләрне үзгәртә» дип аталган һөнәри программа уздыру планлаштырыла.

Оештыручыларның максаты – һөнәри тәҗрибә уртаклашу өчен яңа төбәкара платформа булдыру. Әйтик, конференция кысаларында үткәрелә торган дискуссияләр һәм мастер-класслар вакытында алар төбәкләрдә китап культурасын үстерү стратегиясе, китапханәләрнең һәм китап кибетләренең заманча формалары турында фикер алышырга телиләр. Спикерлар нәшрият программаларын формалаштыру ысуллары һәм китаплар ярдәмендә шәһәр институтының һәм дөньяның йөзен үзгәртүче инновацияләр турында сөйләячәк.

Кунаклар шулай ук киләчәктә территорияләрнең үсеш драйверы һәм төбәктә мәдәни инфраструктураның тотрыклы үсеше формасы өчен нигез булачак яңа китап проектлары турында беләчәк.

Конференциягә китап институтлары һәм кибетләре хезмәткәрләре, нәшриятчылар, китапханәчеләр һәм хәзерге әдәби дөньяны формалаштыручы мәдәният учреждениеләре хезмәткәрләре чакырыла. Моның өчен гариза тапшыру зарур. Алар 10 нчы майга кадәр кабул ителә.

Чарада Дәүләт рус музее, «ГЭС-2» мәдәният йорты, ТР Милли китапханәсе, «Смена» заманча мәдәният үзәге вәкилләре һ.б. катнаша.

Ул СИБУРның «Яхшы эшләр формуласы» социаль инвестицияләр программасы ярдәме белән оештырыла.

Исегезгә төшерәбез, җәйге фестиваль кысаларында китап ярминкәсе ике көн дәвамында 11:00 сәгатьтән 19:00 сәгатькә кадәр эшләячәк. Барлыгы 100 дән артык нәшрият тәкъдим ителәчәк. Ярминкә кунаклары яңа китапларны нәшрият бәясеннән сатып ала һәм нәшрият йортлары вәкилләре белән аралаша алачак.

Шулай ук укыгыз

Барлык яңалыклар