Казанда 18 нче һәм 22 нче номерлы автобуслар хәрәкәте схемалары өлешчә үзгәрәчәк

Үзгәрешләр 11 гыйнварда үз көченә керә

Казанда 11 гыйнвардан 18 нче һәм 22 нче номерлы автобус маршрутлары хәрәкәте схемалары үзгәрәчәк. Транспорт линиягә элекке җәдвалда чыгачак.

18 нче автобус маршрутында Челюскин урамында 53 нче йорт янында тукталыш өстәләчәк. Транспорт түбәндәге схема буенча йөриячәк: Ленинград ур. – Айдаров ур. – Челюскин ур. һәм алга таба. «Северополюсная урамы» тукталышы хәрәкәт схемасыннан төшереп калдырыла.

Можайский урамында «Пятерочка» кибете янында 22 нче номерлы автобус тукталышы кертелә. Транспорт түбәндәге маршрут буенча узачак: Можайский урамы – Пархоменко урамы – Маршрут урамы – Горький шоссесы һәм алга таба.

Карар Дәүләт автоинспекциясе белән берлектә юл хәрәкәте куркынычсызлыгы буенча шәһәр комиссиясе тарафыннан кабул ителде. Ул кешеләрне йөртү сыйфатын яхшыртуга юнәлдерелгән. Мәсәлән, 18 нче һәм 22 нче маршрутларның соңгы тукталышларында тулы борылышлар юк. Элегрәк машина йөртүчеләргә юл чатларында бик авыр борылырга туры килгән, ә кыш көне ике буйлы юлларда хәлләр кар өемнәре һәм тукталган машиналар аркасында катлауланды, дип хәбәр иттеләр Транспорт буенча комитетта.

Исегезгә төшерәбез, Татарстан башкаласында шулай ук 70 нче номерлы автобус хәрәкәте схемасы үзгәрде. Бу Вознесенск тракты төзелеше белән бәйле.

Шулай ук укыгыз

Барлык яңалыклар