Казанда катлаулы авыру белән чирләүче балалар тәрбияләүче гаиләләргә бушлай консультация бирәчәкләр

Белгечләр сәламәтлекне саклау, социаль тәэмин ителеш, торак, хезмәт һәм мәгариф законнары өлкәсендәге сорауларга җавап бирәчәк.

Фото: Денис Гордийко

(Казан шәһәре KZN.RU, 17 нче ноябрь). Казанда катлаулы авыру белән чирләүче балалар тәрбияләүче гаиләләргә түләүсез юридик ярдәм күрсәтеләчәк, дип хәбәр итә ТР Юстиция министрлыгы. Чара Бөтенроссия балаларга хокукый ярдәм күрсәтү көненә багышлана.

Белгечләр сәламәтлекне саклау, социаль тәэмин ителеш, торак, хезмәт һәм мәгариф законнары өлкәсендәге сорауларга җавап бирәчәкләр. Шәһәрлеләргә ТР Дәүләт юридик бюросы, хакимиятнең профильле органнары, республиканың Адвокатлар һәм Нотариаль палаталары вәкилләре консультация бирәчәк.

Консультацияләр 18 нче ноябрьдә 16:30 дан 18:00 гә кадәр Оренбург тракты ур., 140а адресы буенча узачак.

Шулай ук укыгыз

Барлык яңалыклар