Казанда 5 нче апрельдә Рамазан ае уңаеннан бушлай автобус йөреячәк

Ул 30 нчы маршрут буенча хәрәкәт итәчәк

Фото: Денис Гордийко

Казанда 5 нче апрельдә ТР мөселманнары Диния нәзарәтенең «Зәкят» хәйрия фонды 30 нчы шәһәр маршруты буенча бушлай автобус җибәрәчәк. Ул 6:00 дән 18:00 гә кадәр эшләячәк.

Автобусны җиңел танып булачак: аның алгы пыяласына «Рамазан мөбарәк булсын» дигән язу урнаштырылачак, салон исә төрле төстәге шарлар белән бизәләчәк.

Исегезгә төшерәбез, Рамазан ае хөрмәтенә 30 нчы маршрут автобусында бушлай рейс узган ел Татарстан башкаласында беренче тапкыр оештырылды. Хәйрия акциясе 800 гә якын кешене колачлады.

Акция «Рамазан – игелекле гамәлләр ае» марафоны кысаларында үткәрелә. Аның максаты – гражданнарның игътибарын хәйриячелек темасына җәлеп итү һәм игелекле гамәлләр кылырга этәрү.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар