Казанда янгын чыккан тулай торакның 34 кешесен вакытлыча кунакханәгә урнаштырдылар

Казанда янгын чыккан тулай торакның 34 кешесен вакытлыча кунакханәгә урнаштырдылар

<p> <img src="https://www.kzn.ru/upload/iblock/cd5/na_pozhare_v_kazani_spaseny_30_chelovek_eshche_60_chelovek_evakuirovalis_samostoyatelno_k_sozhaleniyu_pogib_muzhchina_1588227152113099723_2000x2000.jpg"><br> </p> <p> <span style="color: #3d3d3d;">(Казан шәһәре KZN.RU, 30-нчы апрель, Ксения Швецова). Казанда «Кварт» кунакханәсе базасында янгын вакытында зыян күрүчеләр өчен Порт урамы, 21 йортта вакытлыча урнаштыру пункты оештырдылар. Кунакханәдә хәзер 34 кеше бар, шул исәптән 6 бала. Тагын 189 кеше, алар арасында 47 бала, вакытлыча туганнарында яшәп калды.</span> </p> <p> <span style="color: #3d3d3d;">Узган кич янгын чыккан тулай торакта барлыгы 224 кеше яшәгән, шул исәптән 53 бала, дип хәбәр итте Гражданнар яклау идарәсе башлыгы Фердинант Тимерханов. Аның сүзләренчә, йортта яшәүчеләр арасында коронавирус инфекцияле кешеләр булмаган.</span> </p> <p> <span style="color: #3d3d3d;">Исегезгә төшерәбез, Порт урамы, 21 адресы буенча тулай торакның җиденче катындагы янгын турында хәбәр 29-нчы апрельдә 19.17 сәгатьтә килде. Гражданнарны яклау идарәсенең оператив төркеме янгын урынына 19.25 сәгатьтә чыкты.</span> </p> <p> <span style="color: #3d3d3d;">Янгынны сүндерү өчен 70 кеше һәм 20 махсус техника җәлеп ителде. Моннан тыш, ТР буенча Эчке эшләр министрлыгы һәм төрле шәһәр хезмәтләре - «Сетевая компания», «Водоканал», «Казаньгоргаз», Вахитов һәм Идел буе районнары администрациясе көчләре җәлеп ителде.</span> </p> <p> <span style="color: #3d3d3d;">«Янгынның гомуми мәйданы якынча 50 квадрат метр тәшкил иткән. 20.38 сәгатьтә ачык утны бетереп, 20.53 сәгатьтә янгынны тулысынча юк итә алдык, - дип хәбәр итте Ф.Тимерханов. - Йорт янгын сүндерү сигнализациясе белән җиһазланмаган иде. Әмма грамоталы һәм тиз гамәлләр нәтиҗәсендә 30 кеше коткарылды, шул исәптән 7 бала. 60 кеше мөстәкыйль эвакуацияләнгән, шуларның 7-се бала. Бер кеше - 35 яшьлек ир-ат үлгән».</span> </p> <p> <span style="color: #3d3d3d;">Янгын чыгуның сәбәбе ут белән саксыз эш итү һәм янгын куркынычсызлыгы кагыйдәләрен бозу булгандыр, дип өстәде Гражданнарны яклау идарәсе башлыгы. Янгын урынында тиешле хезмәтләр эшли.</span> </p> <p> <span style="color: #3d3d3d;">«Бүген гадәттән тыш хәлләр комиссиясе утырышы узды, анда йортны торгызу буенча беренче чираттагы чараларны билгеләделәр, - диде Ф.Тимерханов. - Хәзер анда идарәче компания һәм шәһәрнең башка хезмәтләре хезмәткәрләре эшли. Без нинди эшләр башкарырга кирәклеген, нинди материаллар кирәклеген ачыклыйбыз».</span> </p>

2020-04-30T12:21:33+0300