Казанда 3 һәм 4 ноябрьдә кайбер урамнарда транспорт хәрәкәте чикләнә

Вакытлы чикләүләр Казан Изге Ана иконасын данлау бәйрәме уңаеннан Хач йөреше үткәрелү белән бәйле

Казанда 3 һәм 4 ноябрь көннәрендә кайбер урамнарда тукталышта туктап тору һәм транспорт хәрәкәте вакытлыча чикләнә. Вакытлы чикләүләр Казан Изге Ана иконасын данлау бәйрәме уңаеннан Благовещение соборыннан Крестовоздвиженский чиркәвенә кадәр Хач йөреше үткәрелү белән бәйле.

3–4 ноябрь көннәрендә чикләүләр 19:00–9:30 сәгатьләрдә Миславский урамында, К.Маркс урамыннан алып Большая Красная урамына кадәр транспорт йөри торган юл өлешендә (машина парковкасыннан тыш) кертелә.

4 ноябрь көнне 7:00 сәгатьтән машина хәрәкәте түбәндәге юл өлешләрендә чикләнәчәк:

Кремль урамы, Чернышевский урамыннан Беренче Май мәйданына кадәр;

Профсоюз урамы, Чернышевский урамыннан Меңьеллык мәйданына кадәр;

Беренче Май мәйданыннан машина төшү юлы, Кремль урамыннан Профсоюз урамына кадәр;

Бауман урамы, Профсоюз урамыннан Батурин урамына кадәр;

Меңьеллык мәйданыннан Батурин урамы юнәлешендә машина төшү юлы;

Батурин урамыннан Кремль транспорт дамбасына машина төшү юлы;

Батурин урамы, Кремль транспорт дамбасыннан Дзержинский урамына кадәр;

К.Маркс урамы, Лобачевский урамыннан Батурин урамына кадәр;

Япеев урамы, Дзержинский урамыннан Большая Красная урамына кадәр (ихтыяҗ булганда).

7:00–9:30 сәгатьләрдә Большая Красная урамында, Япеев урамыннан алып Батурин урамына кадәр юл өлеше ябылачак.