Казанда 16 һәм 17 гыйнварда Касә янында боз шәһәрчеге ябылачак

Синоптиклар фаразларына караганда, бу көннәрдә шәһәрдә һава температурасы +4 градуска кадәр күтәрелергә мөмкин.

(Казан шәһәре KZN.RU, 15-нче гыйнвар). Татарстан башкаласында 16-нчы һәм 17-нче гыйнварда «Казан» гаилә үзәге янында боз шәһәрчеге ябылачак. Синоптиклар фаразларына караганда, бу көннәрдә шәһәрдә һава температурасы +4 градуска кадәр күтәрелергә мөмкин.

Җылыну аркасында боз конструкцияләре эри ала, шуңа күрә куркынычсызлык максатларында боз шәһәрчеге халык өчен ябык булачак. Ябылу вакытында территорияне саклау һәм җыештыру тәэмин ителәчәк, дип хәбәр итә Тышкы төзекләндерү комитеты.

Исегезгә төшерәбез, 16-17 гыйнварда Татарстанда һава шартларының сизелерлек начарлануы көтелә. Бу Россиянең Европа территориясенә төньяк-атлантика циклонының чыгуы белән бәйле. Температура фоны аномаль югары булыр дип фаразлана: 16-нчы гыйнварда республикада төнлә һаваның минималь температурасы күзәтеләчәк – минус 1-6 градус, иртән һәм көндез 0-дән плюс 5 градуска кадәр булачак. 17-нче гыйнварда төнлә минус 2-дән 2 градуска кадәр, көндез 0-дән плюс 4 градуска кадәр булыр дип көтелә. Уртача температура нормадан 13-15 градуска артып китәчәк.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар