Казанда 10 нчы декабрьдә «Кино вакыты» төбәк кинопроектлары питчингы узачак

Чарада катнашу өчен 36 төбәктән 189 гариза килгән.

Фото: Денис Гордийко

(Казан шәһәре KZN.RU, 16 нчы ноябрь). 10 нчы декабрьдә Татарстан башкаласында узачак «Кино вакыты» төбәк кинопроектлары питчингында катнашуга гаризалар кабул итү тәмамланды. Керү теркәлү буенча бушлай булачак.

Чарада шорт-листка кергән проектлар тәкъдим ителәчәк – аны ай башында төзиячәкләр. Питчингта катнашу өчен барлыгы 189 гариза килгән. Шуларның 106 ы – «Старт», 37 се – «Процесста» һәм 46 сы «Пилот» категориясенә эләккән. Эшләрне 36 төбәк вәкилләре җибәрде, дип хәбәр итә «Кино вакыты» дирекциясе матбугат хезмәте.

Питчингның приз фонды 1 млн сум тәшкил итә. Иң яхшы тулы метражлы уен киносы авторлары – 350 мең сум, кыска метражлы фильм авторлары 150 мең сум алачак. «Документаль кино» номинациясендә җиңүчегә – 200 мең сум, «Старт» номинациясе җиңүчесенә 150 мең сум биреләчәк. Россия кинокомпанияләренең берсе гамәлгә куйган «Мама-мелодрама» махсус номинациясендә иң яхшы проект өчен тагын 150 мең сум каралган.

Чара программасына катнашучылар өчен интенсив, презентациягә әзерлек һәм экспертлар белән очрашу кертелгән.

«Кино вакыты» региональ кинопроектлары питчингы РФ Мәдәният инициативалары фонды ярдәме белән «Алтын тәлинкә» III төбәкара кино премиясе кысаларында үтәчәк.

Шулай ук укыгыз

Барлык яңалыклар