Казанга озак көтелгән җылылык килә

19 июньдә көндез һава температурасы +26-28 градус тәшкил итәчәк.

(Казан шәһәре KZN.RU, 18-нче июнь). Татарстан һәм аның башкаласына озак көтелгән җылылык килә. Киләсе тәүлектә Казанда алмашынучан болытлы һава, төньяк-көнбатыштан уртача тизлектә җил көтелә. Төнге температуралар +12-14 градус тәшкил итә, көндез терекөмеш баганалары +26-28 градус күрсәтәчәк. 19 июньдә шәһәрдә яңгыр көтелми.

Шул ук вакытта, ТР Гидрометеоүзәге хәбәр иткәнчә, 19 июньдә көннең икенче яртысында Татарстан территориясендә урыны белән яшен, җилнең көче 15-20 м/с тизлеккә кадәр артуы көтелә. Төнлә минималь температура - +7-12 градус, көндез - +24-29 градус.

Шулай ук укыгыз

Барлык яңалыклар