Казанга «Җиңү поезды» мемориаль составы киләчәк

Казанга «Җиңү поезды» мемориаль составы киләчәк

<p> Татарстан башкаласына иртәгә, 30 апрельдә, 9:00 сәгатьтә «Казан-1» станциясе перронына ЛВ-165 сериясенең легендар паровозы – «Җиңү поезды» мемориаль составы, шулай ук хәрби техниканың күргәзмә үрнәкләре булган алты платформа һәм кыр кухнясы һәм сугыш еллары интерьеры булган тематик композиция вагоны киләчәк. </p> <p> Бер сәгать дәвамында шәһәр халкы сугыш еллары техникасы белән ретро составны карый алачак. Мәйданчыкта тантаналы митинг планлаштырылган, шулай ук шәһәр халкын үзәк тимер юлчылар мәдәният сарае үзәк оркестрының музыкаль чыгышлары һәм кыр кухнясы белән бәйрәм концерты көтә. Бәйрәм программасына шулай ук «Хәтер уты» һәм «Җиңү Вальсы» патриотик акцияләре кертелгән. </p> <p> Казаннан соң состав «Шемордан» станциясенә китәчәк, анда 13:25 тә киләчәк. «Әгерҗе-1» станциясе Татарстанда соңгы нокта булачак, анда состав 1 майда 8:15 тә тукталачак, дип хәбәр иттеләр Горький тимер юлы матбугат хезмәтендә. </p> <p> «Җиңү поезды» мемориаль составы 23 апрельдә Түбән Новгородтан киткән. Барлыгы маршрутта 45 станция исәпләнә, шул исәптән алтысы Татарстанда. Алдагы көндә республикада беренче тукталыш «Яшел Үзән» станциясе булды. Бүген «Җиңү поезды» «Борындык» һәм «Буа» станцияләренә тукталды. </p> <p> Акция 1941-1945 елларда Бөек Ватан сугышында Җиңүнең 80 еллыгын бәйрәм итү кысаларында уздырыла. Горький тимер юлында оештырылган беренче «Җиңү поезды» фашист Германиясен Җиңүнең 60 еллыгына эшләтеп җибәрелде. </p>

2025-04-29T16:02:00+0300