Июнь аенда Казаннан Геленджикка туры авиарейслар ачылачак

Татарстан башкаласыннан курорт-шәһәргә шимбә көнне очарга мөмкин булачак.

(Казан шәһәре KZN.RU, 17-нче апрель). Июнь аеннан Казаннан Геленджикка авиарейслар башлана. Рейслар 20-нче июньнән 21-нче сентябрьгә кадәр үзебезнең Bombardier CRJ-200 самолетларында даими рәвештә башкарылачак.

Татарстан башкаласыннан курорт-шәһәргә шимбә көнне очарга мөмкин булачак. Казаннан очыш 6.15 сәгатьтә булса, Геленджик аэропортына 8.45 сәгатьтә барып җитәчәкләр. Геленджиктан кире очу - 16.50 сәгатьтә, Казан аэропортына 19.10 сәгатьтә килеп җитәләр. Юл 2 сәгатьтән артык вакытны тәшкил итәчәк, дип хәбәр итә авиайөртүче компаниянең матбугат хезмәте.

Шулай ук укыгыз

Барлык яңалыклар