Февраль аенда «Милосердие – Казан» хезмәте тарафыннан якынча ярты миллион сумлык ярдәм күрсәтелгән

63 азык-төлек җыелмасы, хайваннар приютына 200 кг чүпрәк-чапрак тапшырылган

Фото: tatmitropolia.ru

Февральдә Казан епархиясенең «Милосердие – Казан» мохтаҗларга ярдәм хезмәте тарафыннан 497 мең 817 сумлык ярдәм күрсәтелгән.

Мәсәлән, Луганск шәһәрендә яшәүче Денис өчен 30 мең сумлык медикаментлар сатып алынган. Малай I типтагы шикәр авыруыннан интегә. Аңа шприц-ручкалар өчен энәләр, таблеткалар һәм канда глюкоза дәрәҗәсен мониторинглау өчен датчик тапшырылган.

Тагын 24,5 мең сумны Бакитько гаиләсенә юллаганнар. Алар Луганск өлкәсенең Тошковка поселогындагы җимерелгән йортта үзләре генә торып калган. Шулай да фатир яшәү өчен яраксыз булып чыккан. Ир белән хатын шәхси йортларын торгызырга керешкәннәр. Алар өчен төзелеш материаллары сатып алынган.

Моннан тыш, «Милосердие – Казан» гуманитар үзәге шәхсән мөрәҗәгать иткән 69 кешегә ярдәм күрсәткән. Алар арасында качаклар, күп балалы гаиләләр, ялгыз аналар һәм пенсионерлар бар.

Шулай ук 63 азык-төлек җыелмасы бирелгән, шуларның 21 е «Игелек кәрзине» акциясе кысаларында җыелган. Мохтаҗларга – 348 килограмм кием, ә хайваннар приютларына 200 килограмм чүпрәк-чапрак тапшырылган.

Казан епархиясенең «Утешение» психологик ярдәм үзәге белгечләре 195 кешегә консультация хезмәте күрсәткән. Психологлар тарафыннан төркемнәрдә 30 дәрес уздырылган, 39 шәхси әңгәмә үткәрелгән.

Волонтер булырга теләүчеләр +7(962)556-30-19 телефоны буенча мөрәҗәгать итә ала, дип хәбәр ителә Татарстан митрополиясе сайтында.

Шулай ук укыгыз

Барлык яңалыклар