Быел Казанның Вахитов һәм Идел буе районнарында 9 мәктәп капиталь ремонтланачак

Быел Казанның Вахитов һәм Идел буе районнарында 9 мәктәп капиталь ремонтланачак

<p> Гәрәев урамындагы 186 нчы лицейның 1501 нче урынга исәпләнгән икенче бинасы төзелеше тәмамлана. Бу мәктәп Казанда беренчеләрдән булып триатлонны үстерәчәк. 1 нче сентябрьдә 186 нчы лицей парталары артына, икенче бинаны исәпкә алып, 4000 укучы утырачак.  </p> <p> Быел Вахитов һәм Идел буе районнарының тугыз мәктәбендә (80, 82, 88, 98, 160 нчы номерлы мәктәпләрдә, 6, 16, 19 нчы гимназияләрдә, 83 нче лицейда) капиталь ремонт үткәреләчәк.  </p> <p> Хәзерге вакытта «Факел» балалар техник иҗат үзәгендә һәм Горький урамындагы 98 нче мәктәптә узган ел башланган капиталь ремонт дәвам итә. Ике бина да мәдәни мирас объектлары булып тора.  </p> <p> Узган ел районның балалар учреждениеләрендә объектларның куркынычсызлыгын арттыру буенча эшләр башкарылган. Барлыгы 10 контроль-үткәрү пункты урнаштырылган, 67 учреждениедә коймалар һәм 544 видеокамера куелган.  </p> <p> Район территориясендә барлыгы 17 социаль объект ремонтланган һәм татар телендә белем бирүче 18 нче номерлы гимназиянең өстәмә корпусы төзелгән. </p>

2023-03-13T10:05:41+0300