Быел Казанда ләм кырларын рекультивацияләү төгәлләнәчәк

Быел Казанда ләм кырларын рекультивацияләү төгәлләнәчәк

Быел «Экология» милли проекты кысаларында су каналын чистарту корылмаларының ләм кырларын рекультивацияләү эшләре төгәлләнәчәк. Бу Идел буендагы 100 гектардан артык территорияне калдыклардан азат итәргә мөмкинлек бирәчәк. Бу хакта эшлекле дүшәмбедә шәһәр Башкарма комитеты җитәкчесе урынбасары Искәндәр Гыйниятуллин хәбәр итте.<br> <br> Ләм кырларын рекультивацияләү 2021 елда сафка бастырылган ләмне киптерү цехы белән берлектә канализация агынтыларын чистартуның калдыксыз технологиясен алырга мөмкинлек бирәчәк. Шулай ук Идел буендагы 100 гектардан артык шәһәр территориясе хуҗалык әйләнешенә кайтарылачак.<br> <br> Шунысын да билгеләп үтәргә кирәк, Казанда «Экология» милли проекты кысаларында канализациянең биологик чистарту корылмалары төзекләндерелде, эшләтеп җибәрү-көйләү чаралары алып барыла һәм кисәтүләр бетерелә.<br> <br> Исегезгә төшерәбез, ләм кырларын <a target="_blank" href="https://kzn.ru/meriya/press-tsentr/novosti/ilsur-metshin-50-let-kazan-svozila-na-bereg-volgi-desyatki-kamazov-ila-seychas-my-eto-prekratili/?lang=ta">рекультивацияләү</a> 2021 елдан «Экология» милли проектының «Иделне савыктыру» федераль проекты буенча үткәрелә. Чистарту корылмаларын 50 ел эксплуатацияләү дәверендә ләм кырлары территориясе, мөмкинлекләр чигеннән артып, 110 гектарга җиткән.<br>

2025-07-21T14:34:10+0300