Быел Казанда юл хәрәкәте белән идарә итүнең автоматлаштырылган системасына 13 светофор объектын тоташтырдылар

Система урам-юл челтәренең сыйдырышлыгын арттырырга мөмкинлек бирә

Казанда юл хәрәкәте белән идарә итүнең автоматлаштырылган системасына 232 светофор объекты тоташтырылган – бу аларның гомуми санының яртысы. Шул ук вакытта быел 13 светофор объектын тоташтырдылар, дип хәбәр иттеләр Транспорт буенча комитетта.

Яңарту түбәндәге чатларга кагылды:

Техника ур. – Тихорецк ур.;

ТАССРның 100 еллыгы магистрале — Трамвай урамы;

Серов ур. – Восход ур.;

Беренче Май ур. – Лукницкий ур.;

С.Хәким ур. – Меридиан ур.;

Бондаренко ур. – Волгоград ур.;

Большая Красная ур. – Гоголь ур.;

С.Галиев ур. – Р. Яхин ур.;

Г.Тукай ур. – С.Сәйдәшев ур.;

Даурия ур. – Һади Такташ ур.;

Академик Глушко ур. — Зәкиев ур.;

Ватан ур. — Н.Җиһанов ур.;

Н.Назарбаев ур. – Тихомирнов ур.

Юл хәрәкәте белән идарә итүнең автоматлаштырылган системасын координацияләү планнарын һәм светофорларның эш җәдвалына сезонлы үзгәрешләрне кертергә, атна көннәрен һәм тәүлек вакытын исәпкә алып үзгәртергә мөмкинлек бирә. Система төрле периферия җайланмалардан мәгълүмат ала һәм аны диспетчерлык үзәгенә тапшыра. Юл хәрәкәте белән идарә итүнең автоматлаштырылган системасын кертү нәтиҗәсендә 2013 елда Казан урам-юл челтәренең сыйдырышлыгы 15% ка арткан.

Бүгенге көндә система Казаннан тыш, Мәскәүдә һәм Санкт-Петербургта кулланыла.

Шулай ук укыгыз

Барлык яңалыклар