Быел Сахалин, Воровский, Октябрь урамнарында һәм Ямашев проспектында юллар ремонтланачак

Яңартылган участокларның озынлыгы ике километрдан артык тәшкил итәчәк

Быел «Имин сыйфатлы юллар» программасы буенча Авиатөзелеш һәм Яңа Савин районының дүрт участогында ремонт эшләре башкарылачак. Программага Сахалин, Воровский, Октябрь урамнары һәм Ямашев проспекты керәчәк. Яңартылган участокларның гомуми озынлыгы ике километрдан артык тәшкил итәчәк. Ремонтка 250 млн сум юнәлдереләчәк. Бу хакта аппарат киңәшмәсендә Авиатөзелеш һәм Яңа Савин районнары администрациясе башлыгы Ренат Шәмсетдинов сөйләде.

Узган ел программа буенча Копылов һәм Гаврилов урамнарындагы ике участокны төзекләндергәннәр. Бу максатларга 250 млн сум акча бүлеп биргәннәр. Шулай ук БРИКС саммитын уздыруга 8 км озынлыктагы 977 млн сумлык юл өслеге яңартылган.

Узган елга йомгак ясап, Ренат Шәмсетдинов шулай ук коммерциягә карамаган бакчачылык ширкәтләрен үстерү программасына да тукталды, аның кысаларында 2024 елда 6 нчы «Казан моторлар төзү берләшмәсе» бакча коммерцияле булмаган ширкәтесенә 600 метрдан артык озынлыкта керү юллары төзелде, аның территориясендә 378 кишәрлек урнашкан.

2024 елда шулай ук Кадыш торак массивы янында Солонка елгасы аша күпер төзекләндерелде. Объект 30 елдан артык хезмәт иткән һәм авария хәлендә булган. Ремонт эшләре 232 млн сумга башкарылган.