Быел Казан шоферлары һәм җәмәгать транспорты кондукторлары квалификацияләрен күтәрәчәк

Алар өчен курслар В.Г.Тимирясов исемендәге университетта оештырыла.

Фото: Марат Мөгыйнов

(Казан шәһәре KZN.RU, 31 нче март). Быел шәһәр җәмәгать транспорты маршрутларында эшләүче машина йөртүчеләр һәм кондукторлар В.Г.Тимирясов исемендәге Казан инновацион университетында квалификация күтәрү курслары узачак. Бу хакта юл хәрәкәте иминлеге комиссиясендә шәһәр Башкарма комитетының Транспорт комитеты рәисе Әмир Сафин хәбәр итте.

Автотранспорт предприятиеләре хезмәткәрләре «Җәмәгать транспорты йөртүчесенең компетентлылыгын һәм клиентларга юнәлешлелеген арттыру» һәм «Җәмәгать транспорты кондукторларына сервис хезмәте күрсәтү күнекмәләрен камилләштерү» программалары буенча белем алачак.

Видеоконференцэлемтә режимында комиссиядә «Метроэлектротранс» шоферлары һәм кондукторлары, ПАТП №2, КПАП №7, Гыйләҗев шәхси эшмәкәре, Беляев шәхси эшмәкәре катнаша. Җәмәгать транспортында канәгатьләнерлек хезмәт күрсәтелмәвенә зарланган шәһәрлеләрнең мөрәҗәгатьләре каралды. Тикшерүләр нәтиҗәләре буенча зарларның бер өлеше расланган, мәсәлән, 1, 3, 8 нче номерлы троллейбус маршрутларында, 2 нче трамвай маршрутында, 5, 22, 35а номерлы автобус маршрутларында. Шул рәвешле, кайбер очракларда шоферлар руль артында тәмәке тартканнар яки тукталыш яныннан үткәннәр, ә кондукторлар үзләрен тупас тоткан, пассажирларга билет бирмәгән һәм юл йөрү өчен түләүне шәхси исәпкә күчерүне сораганнар. Хокук бозучылар белән профилактик әңгәмәләр үткәрелгән, кайберләренең премияләрен кискәннәр, ә кайберләрен өстәмә инструктажга җибәргәннәр.

Шулай ук укыгыз

Барлык яңалыклар