Дүрт аяклы дусларыбыз хакында: бу ялларда Казан бистәләрендә йорт хайваннарына котыру авыруына каршы бушлай вакцина ясала

Ветеринария белгечләре Мәскәү, Идел буе һәм Совет районнарында эшләячәк

Марат Мөгыйнов фотосы

Бу ялларда, 18 һәм 19 апрель көннәрендә, Казан бистәләрендә эт һәм мәчеләргә котыру авыруына каршы бушлай вакцина ясау чаралары үткәрелә. Ветеринария хезмәткәрләре Мәскәү, Идел буе һәм Совет районнарында урнашкан торак массивларда эшләячәк. Шул ук вакытта хайваннарга чип кую һәм теркәү процедурасы үткәрелә.

Шимбә көнне, 18 апрельдә, шәһәр халкын үзләренең йорт хайваннары белән бергә 10:00–13:00 вакыт аралыгында «Левченко» бистәсендә («Полимер» мәдәният йорты янында) көтәләр. Шул ук бистәдә этләргә һәм мәчеләргә прививка 13:00–15:00 вакыт аралыгында Желатин-Завод урамында урнашкан 9/13 номерлы йорт янында ясалачак. Казанлылар «Петровский» бистәсендә (Свобода урамы, 1) этләргә һәм мәчеләргә котыру авыруына каршы прививканы 10:00–12:00 вакыт аралыгында ясата ала. «Кояшлы» торак массивында ветеринария хезмәткәрләре халыкны йорт хайваннары белән бергә 12:30 сәгатьтән 14:00 сәгатькә кадәр Чернопрудная урамы, 12а адресы буенча кабул итәчәк. «Колсәет» бистәсендә хайваннарга прививка ике урында: 10:00 сәгатьтән 12:00 сәгатькә кадәр Главная урамы, 2 йорт адресы буенча, 12:10 сәгатьтән 14:00 сәгатькә кадәр Зеркальная урамы, 1 йорт адресы буенча ясала.

Якшәмбе, 19 апрельдә, вакцина ясый торган мобиль пункт «Олы Дәрвишләр» бистәсендә (Кооператив урамы, 8а) сәгать 10:00 дән 13:00 гә кадәр эшләячәк. «Кече Дәрвишләр» торак массивында (Кооператив урамы, 33) казанлылар ветеринария белгечләренә сәгать 13:10 нан 15:00 гә кадәр мөрәҗәгать итә ала.

Тулырак мәгълүмат алу өчен түбәндә күрсәтелгән телефон номерлары аша Казанның ветеринария клиникаларына мөрәҗәгать итәргә була: +7 (843) 234-75-61 (Казанның Совет районы клиникасы); +7(843)298-53-02 (Казанның Вахитов һәм Идел буе районнары клиникасы); +7(843) 590-19-36 (Казанның Мәскәү районы клиникасы).

Шулай ук укыгыз

Барлык яңалыклар