Казан электр транспортында яңа күчеп утыру тарифы эшли башлады

Хәзер пассажирлар күчереп утырганда 45 минут дәвамында нибары 45 сум түләячәк.

Фото: Денис Гордийко

(Казан шәһәре KZN.RU, 16-нчы август, Камилә Гобәйдуллина). Бүгенге көннән Казанда җир өсте һәм җир асты электр транспорты пассажирлары өчен яңа «МЭТ45 күчеп утыру» тарифы гамәлдә. Ул билгеләнгән урынга күчеп утырулар белән барып җитә һәм ике тапкыр түләргә мәҗбүр булган шәһәр халкына акчаны янга калдырырга мөмкинлек бирәчәк. Хәзер пассажирлар бер төр электр транспортыннан икенчесенә күчереп утырткан очракта 45 минут эчендә нибары 45 сум түләячәк.

«Без яңа тәҗрибәне Россия дәүләте масштабында гына түгел, аннан читтә дә өйрәнәбез. Безгә трендта булу һәм яңалыкларны кертү бик мөһим. Күчеп утыру тарифы – Европа транспорт базары өчен таныш продукт, без моны күптән уйладык. Казанлылар яңа уңайлыкны бәяләрләр дип ышанам, – диде Казан Мэры Илсур Метшин эшлекле дүшәмбедә.

«Метроэлектротранс» МУП яңа тарифны «Транспорт картасы» белән берлектә эшләгән. Аны эшләтеп җибәрү өчен метрополитен турникетларында һәм җир өсте электр транспорты валидаторларында юл хакы өчен түләү системасын программа белән тәэмин итү эшләнгән. «Йөрү билеты әлеге транспорт картасы нигезендә, аны «МЭТЫ 45 күчеп утыру» махсус тарифы буенча тулыландырырга кирәк булачак. Картаны беренче тапкыр куйганда пассажирның счетчигы җибәрелә, аның дәвамында ул күчеп утыра ала. Кабат куйганда, вакыт узмаган булса, валидаторда «Годен» дип языла, – дип сөйләде «Метроэлектротранс» МУП генераль директоры Айдар Абдулхаков. Ул ассызыклаганча, барлык кондукторлар һәм машина йөртүчеләр яңа тарифны куллану турында инструктаж узган.

А.Абдулхаков 5-нче августтан Татарстан Министрлар Кабинетының метрополитендагы карары белән кулдагы исәп-хисап өчен тарифның 30 сумнан 35 сумга кадәр артуын искәртте. Шул ук вакытта транспорт яки банк картасы белән түләгәндә юл хакы элеккечә калган. Шул рәвешле пассажирларны акчасыз түләүгә күчәргә стимуллаштыралар.