Казанның ике сәүдә үзәгендә грипп һәм пневмококк инфекциясенә каршы вакцинация үткәрәчәкләр

Прививканы көн саен 10:00 дән 20:00 гә кадәр ясарга мөмкин

Фото: Марат Мөгыйнов

(Казан шәһәре KZN.RU, 14 нче сентябрь). Казанның «Южный» һәм «Парк Хаус» сәүдә үзәкләрендә 15 нче сентябрьдә грипп һәм пневмококк инфекциясенә каршы вакцинация пунктлары ачылачак.

Прививканы көн саен 10:00 дән 20:00 гә кадәр ясатырга мөмкин булачак, дип хәбәр иттеләр ТР Сәламәтлек саклау министрлыгының Казан буенча Сәламәтлек саклау идарәсендә.

Вацинациянең мобиль пунктлары шулай ук метрополитенның алты станциясендә ачылды: «Авиатөзелеш», «Яшьлек», «Кәҗә бистәсе», «Тукай мәйданы», «Җиңү проспекты» һәм «Дубравная». Алар көн саен 8:00 дән 19:00 гә кадәр эшли (13:00 дән 14:00 гә кадәр – тәнәфес). Бер атна эчендә биредә алты меңнән артык казанлы прививка ясаткан.

Россия кулланучылар күзәтчелегенең Татарстан буенча идарәсе мәгълүматлары буенча, республикага гриппка каршы вакцинаның 824 мең 150 дозасы кайткан, шуларның 274 мең 700 е – «Ультрикс Квадри», тагын 549 мең 450 дозасы – «Совигрипп». Медицина препаратлары олыларга да, балаларга да яраклы.

Вакцинация – грипптан һәм анннан соң өзлегеп калулардан саклануның иң эффектив ысулы. Җәй ахыры һәм көз башы – прививка ясату өчен иң уңайлы чор – иммунитет авыру дәрәҗәсе күтәрелгәнче формалашачак.

Шулай ук укыгыз

Барлык яңалыклар