Казанда «РОСТКИ» форумын уздыру көннәрендә куркыныч матдәләр ташуны чикләячәкләр

Казанда «РОСТКИ» форумын уздыру көннәрендә куркыныч матдәләр ташуны чикләячәкләр

<p> «РОСТКИ: Россия һәм Кытай – үзара файдалы хезмәттәшлек» икенче халыкара форумын уздырган көннәрдә Казанда югары дәрәҗәдәге куркыныч матдәләр ташучы транспорт чараларының хәрәкәтен һәм тукталышын вакытлыча тыячаклар. Чикләү 13-15 ноябрь көннәрендә гамәлдә булачак. Тиешле карар ТР башкаласы муниципаль берәмлегенең документлар һәм хокукый актлар җыентыгында <a target="_blank" href="https://kzn.ru/meriya/press-tsentr/novosti/opublikovana-elektronnaya-versiya-sbornika-dokumentov-i-pravovykh-aktov-mo-kazani-20/?lang=ta">басылып чыкты</a>. </p> <p> Исегезгә төшерәбез, быел форумның төп темалары сәүдә мөнәсәбәтләре, инвестицион проектлар, мәгариф, машина төзелеше, нефть химиясе һәм энергетика, яшьләр белән эшләү, туризм, мәдәният булачак. </p> <p> Беренче тапкыр эшлекле чара Казанда 2023 елда уздырылды. Ул Россия регионнары һәм Кытай провинцияләре арасында икътисади хезмәттәшлекне үстерү өчен яңа, һәр ел уздырыла торган мәйданчык булды. </p> <p> ТР башкаласы җиде меңнән артык катнашучыны <a target="_blank" href="https://kzn.ru/meriya/press-tsentr/novosti/kazan-prinyala-bolee-7-tys-uchastnikov-foruma-rostki/">кабул итте</a>, алар арасында губернаторлар, федераль министрлар, Кытай провинцияләре хакимияте вәкилләре һәм эре сәнәгать корпорацияләре җитәкчеләре бар иде. </p> <br> <p>   </p>

2024-11-07T11:38:02+0300