Май бәйрәмнәре көннәрендә Казанның җәмәгать транспортында Бөек Ватан сугышы геройлары турында сөйләячәкләр

Аудиоязмалар 5 нче һәм 18 нче номерлы автобусларда, 5 нче һәм 5а номерлы трамвайларда яңгыраячак.

Фото: Марат Мөгыйнов

(Казан шәһәре KZN.RU, 29 нчы апрель). Май бәйрәмнәре көннәрендә Казанның җәмәгать транспортында Бөек Ватан сугышы геройлары турында сөйләячәкләр.

1 нче майдан Казан автобусларында һәм трамвайларында сугыш геройлары турында мәгълүмат белән аудиоязмалар яңгыраячак. Казан Башкарма комитетының Транспорт комитетында хәбәр итүләренчә, ТР башкаласында 19 тукталыш мәйданчыгы сугыш геройлары исемнәре белән аталган. Аудиоязмалар 5 нче һәм 18 нче маршрут автобусларында, шулай ук 5 нче һәм 5а маршрутлары трамвайларында яңгыраячак.

Проектны Казанның Транспорт комитеты ТР Фәннәр академиясенең Ш.Мәрҗани исемендәге Тарих институты һәм «Татмедиа» мәгълүмати агентлыгы белән берлектә гамәлгә ашырган. Казан Башкарма комитеты җитәкчесе урынбасары Гүзәл Сәгыйтова бәйрәм акциясенә әзерлек дәрәҗәсен бәяләп кайтты. Транспорт комитеты рәисе Әмир Сафин аңа проектның иҗади һәм техник аспектлары турында сөйләде.

Шулай ук укыгыз

Барлык яңалыклар