Җәйге каникуллар вакытында балалар ташлама белән поездларда йөри алалар

Ташлама 10-17 яшьлек балаларга бирелә.

(Казан шәһәре KZN.RU, 21-нче март). Җәйге сезонда - 1 июньнән 31 августка кадәр - 10-17 яшьлек балалар поездларда 50% ташлама белән йөри ала.

Ташлама Россия территориясе буенча йөрүче (тиз йөрешле һәм югары тизлекле поездлардан тыш) поездларның плацкарт, гомуми, шулай ук 2 һәм 3 класслы вагоннарына билетлар сатып алганда бирелә. Транзит белән хәрәкәт итүче поездларда ташлама РФ территориясе буенча бирелә. Чит ил пассажир йөртүчеләре поездларында ташлама РФ территориясе буенча тарифның билет өлешеннән бирелә, дип хәбәр итә Горький тимер юллары матбугат хезмәте.

10-17 яшьлек балалар өчен ташламалы билетны билет кассаларында, "Россия тимре юллары" ААҖ рәсми сайтында һәм "РЖД Пассажирам" мобиль кушымтасы ярдәмендә рәсмиләштерергә була. Ташлама "Тулы" тарифын күрсәткәндә һәм тиешле яшьтәге балалар турында мәгълүматлар керткәндә автомат рәвештә бирелә. Бала яше сәяхәт башланган көн белән билгеләнә.

Пассажирга поездга утырганда юл йөрү документы һәм аның нигезендә йөртү документы сатып алынган шәхесне раслаучы документ күрсәтергә кирәк (14 яшькә кадәр туу турында таныклыкның нотариаль расланган күчермәләрен бирү рөхсәт ителә).

Исегезгә төшерәбез, поездларга ел әйләнәсе 5 яшьтән алып 10 яшькә кадәрге балалар өчен балалар тарифы гамәлдә. Ул тулы (өлкәннәр) тариф бәясенең 35% тәшкил итә. Биш яшькә кадәрге балаларга поездларда йөрү бушлай – моның өчен бәясез йөрү документы рәсмиләштерелә.

Шулай ук укыгыз

Барлык яңалыклар