Химиклар мәдәният йортында цифрлы музей тәкъдим итәләр

Чарада катнашу өчен теркәлергә кирәк

Денис Гордийко фотосы

Дүшәмбе көнне, 22 декабрьдә, Химиклар мәдәният йортында цифрлы музейны тәкъдир итү кичәсе узачак. Проект Казанның иң танылган иҗтимагый киңлекләренең берсе булган әлеге йортның мәдәни һәм тарихи мирасын саклауга һәм танып белүгә багышланган.

Цифрлы музей Мәдәният сарае белэн электән таныш кешеләрнең истәлекләрен һәм Яшьләр үзәге командасы җыйган архив материалларын берләштерә.

Проект үзара бәйле өч форматтан: текстлар, фотосурәтләр, газета кисемтәләре һәм Химиклар мәдәният йорты елъязмалары тупланган сайт-архивтан; шул ук материаллар белән мобиль форматта танышу өчен телеграм-боттан; шулай ук өлкән яшьтәгеләр, мәдәният учреждениесенең элеккеге һәм хәзерге хезмәткәрләре белән әңгәмәдән торган документаль фильмнан гыйбарәт.

Визуаль материалларның барысы да мәдәният сараеның цифрлаштырылган елъязмалары белән ачык цифрлы махсус архивта тупланган.

Төп программа башланыр алдыннан кунакларга 2025 елның сентябрь–октябрендә социаль проект кысаларында халык белән бергә эшләнгән яңа панно тәкъдим ителәчәк. Эш «Бакчалар утыртабыз» фасад панносының дәвамы булачак һәм Казанның монументаль сәнгатенә хөрмәт йөзеннән бина эченә эленәчәк.

Чара 18:30 сәгатьтә Ямашев проспекты, 1 йорт адресы буенча башлана.

Катнашу өчен теркәлергә кирәк.