Казанның балалар бакчаларында ясле төркемнәре 2,5 тапкырга арткан

Казанның балалар бакчаларында ясле төркемнәре 2,5 тапкырга арткан

<div> <div class="detail-picture"> <img src="https://kzn.ru/upload/iblock/eb6/eb6780bc555c300aa27147ed371a75c6.jpg"> <p class="detail-picture__caption"> Денис Гордийко фотосы </p> </div> </div> <div> <p> Казандагы балалар бакчаларының ясле төркемнәрендә балалар саны соңгы биш елда 2 тапкырга арткан – 2021 елда әлеге төркемнәргә 4,2 мең бала йөргән булса, 2025 елда аларның саны 9,4 меңгә җиткән. Төркемнәр саны исә 2,5 тапкырга диярлек арткан. Әлеге күренеш шәһәр Мәгариф идарәсенең кече яшьтәге төркемнәрне оештыру буенча максатчан эшчәнлеге белән бәйле. Бу хакта Казан мэры Илсур Метшинга йомгаклау хисабында идарә башлыгы Ирек Ризванов хәбәр итте. </p> <p> «Бүген һәр балалар бакчасы, әлеге оешмага килгән балаларның санына һәм яшенә карап, төркемнәр төзи һәм кирәкле шартлар тудыра», - дип билгеләп үтте Ирек Ризванов. </p> <p> Ясле төркемнәренә 1,5 яшьтән 3 яшькә кадәрге сабыйлар кабул ителә. Шуңа бәйле рәвештә биналарны җиһазландыру өчен тагын да катгыйрак таләпләр куела. Төркемдәге балалар саны 15 тән дә артмаска, бер балага кимендә 2,5 квадрат метр мәйдан туры килергә тиеш. Җиһазларның тәбәнәк, шул исәптән киштәләрнең, өстәлләрнең буе нәниләр буе белән җайлаштырылган булуы мөһим. </p> <p> Ясле төркемнәрендә эшләүче тәрбиячеләр үз дәресләрендә нәниләрдә вак моториканы үстерүгә, сөйләм күнекмәләрен булдыруга, төркемгә җайлашуга зур игътибар бирә. </p> <p> Исегезгә төшерәбез, Казанда 344 балалар бакчасы эшли. Аларга 68 мең бала йөри. </p> </div> <br>

2026-02-11T10:32:28+0300