Дәрвишләр бистәсендә ТАССРның 100 еллыгы уңаеннан җиңел атлетика эстафетасы узачак

<h1><img src="https://www.kzn.ru/upload/iblock/7c5/MMB_9027.jpg"><br> </h1> <p> (Казан шәһәре KZN.RU, 1-нче сентябрь). 5-нче сентябрь көнне Дәрвишләр бистәсендә ТАССР төзелүнең 100 еллыгына багышланган җиңел атлетика эстафетасы узачак. Ярышта урта уку йортлары укучылары, предприятие һәм оешма хезмәткәрләре катнаша алачак. Катнашучыларга 1250 метрлык гомуми трассаның тигез кисемтәләрен йөгереп узарга туры киләчәк. </p> <p> Эстафета 9.00 сәгатьтә башлана, катнашучылар Стадион, Совет, Начальная, Правда һәм Халезов урамнары буйлап йөгерәчәк. Старт «Ракета» стадионы янында, ә финиш Сәетгалиев исемендәге мәдәният йорты каршындагы мәйданда узачак. Чара барышында әлеге урамнарда транспорт хәрәкәте ябылачак, дип хәбәр итә Парклар һәм скверлар дирекциясе. </p> <p> Эстафетага кушылыр өчен, кимендә биш кеше булырга тиешле команданы <a href="https://docs.google.com/forms/d/e/1FAIpQLSfFT-tmqDFnrBEqnfhfNW2SRE0QcebRWnJw4Py5aiKhmr7c0A/viewform?usp=send_form" target="_blank">сылтама буенча</a> теркәргә кирәк. Старт алдыннан һәр катнашучы медицина ягыннан рөхсәтнамә һәм хроник авырулар булмау турында белешмә тапшырырга тиеш. </p> 12.00 сәгатьтә Сәетгалиев исемендәге мәдәният йорты каршындагы мәйданда чарада катнашучылар һәм кунаклар өчен концерт программасы оештырылачак. Казан музыка төркемнәре чыгыш ясаячак, шулай ук «Безнең ишегалды тавышы» проектының финалы башланачак һәм эстафета җиңүчеләрен бүләкләү узачак.

2020-09-01T10:20:05+0300