Ватанны саклаучылар көнендә Казанда Алдавычка балык тоту фестивале узачак

Ярышларда Татарстан шәһәрләреннән балык тотарга яратучылар катнашачак.

(Казан шәһәре KZN.RU, 21-нче февраль). Ватанны саклаучылар көнендә, 23-нче февральдә, «Казан» гаилә үзәге янында боздан селкенмә алдавычка балык тоту буенча «Казан алдавычы 2020» фестивале узачак. Ярышларда Казан, Яр Чаллы, Азнакай, Менделеевск һәм Алабугадан балык тотарга яратучылар катнашачак. Катнашучыларны алдан теркәү «ВКонтакте» социаль челтәрендә «Татарстанның балык тоту спорты» берләшмәсендә ачылды. Фестивальнең оештыручылары булып Физик культура һәм спорт комитеты һәм Татарстан Республикасының Балыкчылык спорты федерациясе тора. Чара 23-нче февральдә 7.30 сәгатьтән 14.00 сәгатькә кадәр узачак. Фестивальне ачу 8.30 сәгатькә планлаштырылган, дип хәбәр итәләр Физик культура һәм спорт комитетында.

Шулай ук укыгыз

Барлык яңалыклар