Аеклык көнендә Казан храмнарында гыйбадәт кылачаклар

Россиядә Аеклык көне 11-нче сентябрьдә билгеләп үтелә.

(Казан шәһәре KZN.RU, 9-нчы сентябрь). 11-нче сентябрь көнне Казанның газап чигүче Вера, Надежда, Любовь һәм аларның әниләре София (Сабан урамы, 1б) чиркәвендә Бөтенроссия аеклык көне уңаеннан чаралар узачак.

София храмында 18.00 сәгатьтә «Тавышсыз касә» Изге Богородица образы каршында гыйбадәт кылыначак. Мәхәлләнең якшәмбе мәктәбе актлар залында 19.00 сәгатьтә чәй эчү һәм концерт була. «Без барлык теләүчеләрне эчкечелек, наркомания, тәмәке тарту, төрле уеннарга бәйлелектән интегүчеләргә ярдәм сорап гыйбадәт кылырга чакырабыз», - ди «Трезвение» епархиаль җәмгыяте җитәкчесе Владислав Юферов. Килүчеләрдән үзләре белән шәхси саклану чаралары алып килү сорала.

Чараларны Казан епархиясенең наркомания һәм алкоголизмга каршы көрәш бүлеге һәм Иоанн Кронштадтский исемендәге «Трезвение» епархия җәмгыяте оештыра, дип хәбәр итә Татарстан митрополиясе матбугат хезмәте.

Россиядә Аеклык көне 11-нче сентябрьдә билгеләп үтелә. Ел саен бу көнне гыйбадәт йортларында догалар укыла. Беренче тапкыр бәйрәмне 1913 елда Изге хөкүмәт синоды уздыра, ә 1914 елда аны ел саен билгеләп үтү турында карар кабул ителә. Россиядә бу көнне шәраб кибетләре ябыла һәм исерткеч эчемлекләр сату туктатыла. Совет чорында аеклык көнен билгеләп үтү традициясе югала.

Россиядә эчүчелектән интегүче кешеләргә, аларның туганнарына ярдәм итә торган 600-дән артык православие оешмасы һәм проекты эшли.

Шулай ук укыгыз

Барлык яңалыклар