Гаилә, мәхәббәт һәм тугрылык көнендә Казан телеманарасында бәйрәм утлары кабызылачак

Манара 21:00 дән 23:00 гә кадәр утлар белән балкыячак.

Фото: Денис Гордийко

(Казан шәһәре KZN.RU, 7 нче июль). 8 нче июльдә, Гаилә, мәхәббәт һәм тугрылык көне уңаеннан, Казан телеманарасында бәйрәм архитектура-сәнгать яктылыгын кабызачаклар. Телеманара утлар белән 21:00 дән 23:00 гә кадәр балкыячак, дип хәбәр итә ТР Цифрлар министрлыгы матбугат хезмәте.

Телеманараларны шулай ук Россиянең башка шәһәрләрендә – Мәскәү, Воронеж, Түбән Новгород, Ростов-на-Дону, Самара, Саранск, Чиләбедә һәм башкаларда яктырту күздә тотыла.

Исегезгә төшерәбез, бәйрәм Россиядә 2008 елдан бирле билгеләп үтелә. 28 нче июньдә Россия Президенты Владимир Путин үзенең указы белән Гаилә, мәхәббәт һәм тугрылык көнен рәсми бәйрәм дип игълан итте.

Шулай ук укыгыз

Барлык яңалыклар