“Казан триатлоны” узган көнне С.Хәким һәм Чистай урамнарында транспорт хәрәкәте чикләнә

Әлеге юлларда велоэтап һәм узыш үткәрелә.

(Казан шәһәре KZN.RU, 17-нче июль). 22 июльдә Казанда С.Хәким һәм Чистай урамнарында транспорт хәрәкәте чикләнә – бу вакытта триатлон буенча “Казан триатлоны-2018” ачык чемпионат һәм шәһәр беренчелеге уза. Тиешле карар шәһәр Башкарма комитетында имзаланды.

22 июльдә 8.00 сәгатьтән 14.00 сәгатькә кадәр түбәндәге урыннарда хәрәкәт чикләнә:

С.Хәким ур., (Декабристлар урамыннан С.Хәким-Чистай урамнарындагы боҗра хәрәкәткә кадәр тулысынча ябыла);

С.Хәким-Чистай урамнарындагы боҗра хәрәкәте буенча (С.Хәким урамына төшү юлыннан Гаврилов урамы юнәлешендә Чистай урамына төшү юлына кадәрге өч уң як полоса);

Чистай ур. (С.Хәким-Чистай урамнарындагы боҗра хәрәкәтеннән Чистай урамыннан “Казан Арена” стадионына төшү юлына кадәр, өч уң як полоса);

“Казан Арена” стадионы тирәли (тулысынча).

Искәртеп үтәргә кирәк, триатлонда 300-гә якын спортчы катнаша, чарага 20 июльгә кадәр сайтта теркәлергә мөмкин. Йөзү этабы Казансу елгасы акваториясендә, велоэтап С.Хәким урамы буенча үтәчәк һәм “Казан Арена” стадионы тирәли юлны да үз эченә алачак, йөгерү этабы шул ук урамда “Казан” Гаилә үзәге юнәлешендә үтәчәк.

Шулай ук укыгыз

Барлык яңалыклар