Казан милли ярыммарафоны үткәрелгән көнне җәмәгать транспорты хәрәкәте схемасы үзгәрәчәк

Үзгәрешләр 22, 28, 28а, 43, 54, 62, 74, 75, 89 нчы номерлы автобусларга һәм 2 нче номерлы троллейбуска кагылачак.

Фото: Денис Гордийко

(Казан шәһәре KZN.RU, 8 нче октябрь). 9 нчы октябрьдә, Казан милли ярыммарафоны үткәрелгән көнне, җәмәгать транспорты хәрәкәте схемасы үзгәрәчәк, дип хәбәр итә шәһәр Башкарма комитетының Транспорт комитеты.

6:00 сәгатьтән 12:00 сәгатькә кадәр 74 нче номерлы автобуслар С.Хәким урамына борылмыйча, Чистай урамы буенча Су спорт төрләре сарае ягына туры юнәлештә барачак. Кире юнәлештәге хәрәкәт схемасында үзгәрешләр юк.

74, 75, 62 нче номерлы автобуслар өчен 6:00 сәгатьтән 12:00 сәгатькә кадәр «Су спорт төрләре сарае» тукталышы гамәлдән чыгарылачак.

7:30 дан 12:30 га кадәр 28, 43, 54 нче номерлы автобуслар туры юнәлештә Әмирхан проспекты буенча хәрәкәт итәчәкләр, «Чистай урамы» тукталышыннан соң, С.Хәким урамына кадәр барып җитмичә борылачак һәм Ямашев проспекты буенча, аннары 3 нче транспорт дамбасы, Н.Ершов урамы, Вишневский урамы буенча, аннан соң маршрут буенча хәрәкәт итәчәкләр. Кире юнәлештә Миллениум күпереннән соң автобуслар тоннель буенча барачак, «РФ Герое А.Козин урамы», «С.Хәким урамы», «Чистай урамы» тукталышлары булмаячак.

7:30 дан 11:00 гә кадәр 22, 28, 89 нчы номерлы автобуслар туры юнәлештә түбәндәге тәртиптә йөриячәк: Карл Маркс ур., Пушкин ур., Уң як Болак ур, Кремль дамбасы һәм алга таба маршрутлар буенча. Кире юнәлештәге хәрәкәт схемасында үзгәрешләр юк.

7:30 дан 11:00 гә кадәр 22, 28а, 89 нчы номерлы автобуслар кире юнәлештә Кремль дамбасы буенча хәрәкәт итеп, Меңьеллык мәйданында борылып, Батурин урамына чыгачак, аннан соң маршрут буенча барачак.

2нче троллейбус хәрәкәте «Академик Арбузов» тукталышыннан 10:30 сәгатьтә башлана.

Шулай ук укыгыз

Барлык яңалыклар