Казан телеманарасында Хәтер һәм кайгы көнендә ал яктыртуны кабызачаклар

Шәм ялкыны символын шәһәр халкы 21:00 дән 23:00 гә кадәр күрә алачак

22 июньдә Казан телеманарасында ал яктырткычны кабызачаклар. Акция Хәтер һәм кайгы көненә багышланган.

Шәм ялкыны символын шәһәр халкы һәм кунаклары 21:00 дән 23:00 кә кадәр күрә алачак, дип хәбәр итә Татарстан республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте.

Россиядә ел саен 22 июньдә Бөек Ватан сугышы башлану уңаеннан искә алу һәм кайгы көне билгеләп үтелә. Исегезгә төшерәбез, Казанда интерактив квест һәм Бөек Ватан сугышы башлануның 83 еллыгына багышланган бушлай тематик экскурсияләр узачак. «Россия – минем тарих» тарихи паркында шәһәр халкына СССРга һөҗүм планы, хәрби чорның көчләр нисбәте һәм төп вакыйгалары турында җентекләп сөйләячәкләр.

Шулай ук укыгыз

Барлык яңалыклар