Шәһәр көнендә үзмәшгульләр яңа рекорд куячак һәм Kazan bazar форумында катнашачак

30 нчы августта эшмәкәрләр өчен планлаштырылган чараларга алдан теркәлү узарга кирәк.

Фото: Марат Мөгыйнов

(Казан шәһәре KZN.RU, 27 нче август). 30 нчы август, Татарстан Республикасы һәм Шәһәр көнендә, Казан үзмәшгульләре өчен «Я и есть Татарстан» ярминкәсе һәм Kazan bazar форумы узачак.

Ярминкә Казан Кремле янында оештырылачак, анда иң озын сәүдә рәтләре буенча Россия рекордын куярга ниятлиләр. Биредә шулай ук иҗат коллективлары чыгыш ясаячак, ә килүчеләр өчен призлар белән конкурслар оештырылачак.

Ул арада Бауман урамында, ТР Фәннәр академиясе янында, Kazan bazar форумы узачак. Үзмәшгульләр мастер-классларда катнаша һәм стратегик маркетинг буенча лекцияләр тыңлый ала. Моннан тыш, чарада товарлар күргәзмәсе, сату һәм концерт программасы да оештырылачак.

Үзмәшгульләргә чараларда катнашу өчен МСП.РФ порталында гариза калдыру зарур. Хезмәтләр арасында «Финансирование участия в выставочно-ярмарочных мероприятиях на территории РФ» дигәнне, ачылучы исемлектән кызыксындырган чараны сайларга кирәк.

Барлык сорауларны буенча «Минем бизнес» үзәгенең +7(843)524-90-90 кайнар линия телефоны буенча бирергә мөмкин, дип хәбәр итә Казан Башкарма комитетының Икътисади үсеш комитеты.

Шулай ук укыгыз

Барлык яңалыклар