Декабрьдә Казанның биш паркында этләр өчен бушлай күнегүләр узачак

Дәресләрдә өйрәтү нигезләре һәм әйбер эзләргә өйрәтү турында сөйләячәкләр, шулай ук көчекләр өчен дәресләр үткәрәчәкләр

Казанда декабрьдә этләр өчен бушлай күнегүләр сериясе старт ала. Алар шәһәрнең биш паркында узачак. Катнашучыларга өйрәтү нигезләре һәм әйбер эзләргә өйрәтү турында сөйләячәкләр, шулай ук көчекләр өчен аерым дәресләр үткәрәчәкләр.

Тренер буларак этләрнең үз-үзен тотышы буенча белгеч Полина Кучеева чыгыш ясаячак. Ул хайваннарга әйләнә-тирә дөньяда җайлашырга һәм аларны төп командаларны үтәргә өйрәтергә ничек ярдәм итәргә икәнен аңлатачак.

Беренче дәрес 1 декабрьдә Сәетгалиев исемендәге мәдәният сараенда узачак, аны көчекләргә багышлаячаклар. Киләсе дәрес 8 декабрьдә «Светлая долина» паркында булачак. Белгеч катнашучыларны этләрне өйрәтергә өйрәтәчәк. Тагын бер атнадан – 15 декабрьдә – Салават Күпере торак районы янындагы паркта көчекләр белән күнегүләр узачак. «Крылья Советов» паркында 22 декабрьдә этләрне әйбер эзләргә өйрәтү турында сөйләячәкләр. Соңгы чара 29 декабрьдә Горки-Әмәт урманында планлаштырыла. Ул көчекләр белән узачак.

Барлык дәресләр 15:00 тә этләр йөртү мәйданчыкларында башланачак. Катнашу өчен сылтама буенча тренерга язылырга кирәк. Күнегүләргә 3,5 айдан өлкәнрәк көчекләр кертелә, алар карантин узган, вакцинацияләнгән һәм паразитлардан эшкәртелгән, дип хәбәр итә Казанның Парклар һәм скверлар дирекциясе.

Шулай ук укыгыз

Барлык яңалыклар