Казанда пилотсыз транспорт форумы-күргәзмәсе старт ала

Секцияләрдә реаль вакыттагы яшен активлыгы мониторингы, пилотсыз авиация системалары өчен һава торышының куркыныч күренешләре наукастингы һәм башка темалар буенча фикер алышачаклар.

Фото: Марат Мөгыйнов

(Казан шәһәре KZN, 12 нче декабрь). 13 нче декабрьдән 16 нчы декабрьгә кадәр Казанда пилотсыз авиация системалары өлкәсендәге перспективалы карарларга һәм үтәли технологияләргә багышланган «Первый Беспилотный» форумы узачак, дип хәбәр итә Татарстан Республикасы Цифрлар министрлыгының матбугат хезмәте.

Эшлекле программа 13-14 нче декабрьдә планлаштырылган һәм агымдагы унъеллык азагына пилотсыз авиация системалары үсешенең тенденцияләре турында пленар дискуссиядән башланачак. Дискуссиядә ТР Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы, ТР Сәнәгать һәм сәүдә министрлыгы, ТР Мәгариф һәм фән министрлыгы, IT-парк вәкилләре, ТР вузлары һәм тармак сәнәгать предприятиеләре вәкилләре катнашачак.

Программада шулай ук беспилотниклар базарының актуаль сораулары каралачак секцияләр булачак, аларда пилотсыз авиация системалары өлкәсендә проектларны эзләү һәм сайлау, реаль вакыттагы яшен активлыгын мониторинглау, пилотсыз авиация системалары өчен һава торышының куркыныч күренешләре наукастингы, яшьләрне беспилотникларны проектлау һәм ясау бурычларына әзерләү һәм башка мәсьәләләр каралачак.

Күргәзмә офлайн форматта, ә чараларның эшлекле программасы гибрид форматта узачак. Форум-күргәзмәгә платформада алдан теркәлү буенча бушлай кереп була, анда форумның трансляциясе дә булачак.

Форум югары уку йортлары студентлары һәм абитуриентлары, фәнни оешмалар вәкилләре, техник фәннәр, технологик эшмәкәрләр, IT-белгечләр һәм программалар эшләп чыгаручылар өчен үткәрелә.

Форум-күргәзмә IT-паркта түбәндәге адрес буенча узачак: Петербург ур., 52, 3 нче кат.

Шулай ук укыгыз

Барлык яңалыклар