Декабрь аенда Казан «Библиобус»ы үз эшен дәвам итәчәк

Мобиль китапханә комплексы Самосырово һәм Вознесение бистәләрендә, шулай ук Ветераннар йортында тукталачак.

(Казан шәһәре KZN.RU, 22-нче ноябрь). Казанның «Библиобус» мобиль китапханә комплексы декабрьдә үз эшен дәвам итәчәк.

Әйтик, Самосырово бистәсенә, Мир ур., 50а адресына, «Библиобус» 5-нче һәм 19-нчы декабрь 14.00 сәгатьтә килә. Ветераннар йортында (Дубравная ур., 35) китапханә комплексын 2, 16 һәм 30-нчы декабрьдә 13.00 сәгатьтә көтәләр. Вознесение бистәсендә, Нардуган ур, 45 адресы буенча ул 12-нче һәм 26-нчы декабрь 15.00 сәгатьтә тукталачак.

Исегезгә төшерәбез, мобиль китапханә комплексы шәһәрнең ерактагы бистәләренә һәм Ветераннар йортына хезмәт күрсәтә. «ГАЗ 2705» автомобиле – «Библиобус» – 1,5 меңгә кадәр китап, шул исәптән балалар китапларын, сыйдыра. Моннан тыш, комплекс стационар китапханәләр фондларын яңартуда һәм китап укучылар соравы буенча басмалар китерүдә ярдәм итә, дип хәбәр иттеләр «Казанның үзәкләштерелгән китапханәләр системасы» муниципаль бюджет мәдәният учреждениесендә.

Шулай ук укыгыз

Барлык яңалыклар