Чуйков сайлау округында ТР Дәүләт Советына депутат сайлауларында үзен-үзе тәкъдим иткән Рөстәм Хәсәнов җиңде

Сайлаулар нәтиҗәләрен эшлекле дүшәмбедә Башкарма комитет җитәкчесе Денис Калинкин игълан итте.

(Казан шәһәре KZN.RU, 3-нче сентябрь, Алсу Сафина). 2 сентябрьдә Казанда 8 номерлы бер мандатлы Чуйков сайлау округы буенча V чакырылыш ТР Дәүләт Советына өстәмә сайлаулар үтте. Сайлаулар нәтиҗәләрен эшлекле дүшәмбедә Башкарма комитет җитәкчесе Денис Калинкин игълан итте.

Ул хәбәр иткәнчә, сайлауларга 25% кеше килгән. “Үзен-үзе тәкъдим иткән Рөстәм Хәсәнов өчен 54% сайлаучы тавыш биргән. Икенче урында – Марсель Габдрахманов (23%), өченчедә – Василий Новиков (20%)”, - диде Д.Калинкин.

Башкарма комитет җитәкчесе өстәмә сайлауларны оештыруда һәм үткәрүдә катнашкан җитәкчеләргә рәхмәт белдерде.