Болгар һәм Зөягә елга портыннан яңартылган тиз йөрешле теплоходларда барып булачак

Суднолар системаларының кайбер өлешләре һәм төп двигательләр заманча һәм экономиялеләргә алмаштырылган.

(Казан шәһәре KZN.RU, 20-нче июль). Бүген Казан елга портыннан Зөягә “Геннадий Куклев” исемле яңартылган тиз йөрешле теплоход китәчәк. Яңа суднолар Болгар һәм Зөягә даими һәм экскурсион рейсларга хезмәт күрсәтер, дип планлаштырыла.

Казаннан Зөягә беренче рейска “Метеор-240” “Геннадий Куклев” тиз йөрешле теплоход бүген сынаулар һәм тиешле документларны формалаштыру нәтиҗәләре буенча чыга.

“Метеор-240” “Геннадий Куклев” һәм “Восход-51” тиз йөрешле теплоходларын яңартуга республика бюджетыннан узган елны акча бүленгән. Теплоходларда төп двигательләр һәм йөрү системаларының өлешләре алмаштырылды. Моннан кала, “Татфлот” суднолар компаниясе корпусларның бер өлешен камилләштергән һәм пассажирлар салонын төзекләндергән, дип хәбәр итә ТР Транспорт һәм юл хуҗалыгы министрлыгы матбугат хезмәте.

Шулай ук укыгыз

Барлык яңалыклар