Киләсе тәүлекләрдә Казанда бозлавык, җил һәм юеш кар фаразлыйлар

Киләсе тәүлекләрдә Казанда бозлавык, җил һәм юеш кар фаразлыйлар

<p> Казан халкына иртәгә аеруча игътибарлы булырга кирәк, чөнки һава торышы берничә сюрприз әзерләгән. Синоптиклар фаразлавынча, тәүлек дәвамында бераз явым-төшем, бозлавык һәм көчле җил белән болытлы һава көтелә. </p> <p> Сишәмбедән чәршәмбегә каршы төндә болытлы булачак, урыны белән юеш кар һәм яңгыр явачак, бозлавык һәм томан көтелә. Җил көньяктан (6-11 м/с), тизлеге секундына 14 метрга кадәр җитә. Һава температурасы 0 дән 2 градуска кадәр тирбәләчәк. Юлларда бозлавык көтелә. </p> <p> 12 мартта көндез болытлы һава сакланачак, әмма вакыт-вакыт аязып алачак. Иртән шулай ук юеш кар һәм яңгыр кебек явым-төшемнәр, бозлавык һәм томан көтелә. Җил көньяктан (6-11 м/с) калачак, тизлеге секундына 14 метрга кадәр җитәчәк. Көндез максималь температура +4..+6 градус булачак. Юлларда бозлавык сакланачак, дип хәбәр иттеләр ТР Гидрометеорология үзәгендә. </p> <p> Автомобильчеләргә һәм җәяүлеләргә юлларда бик сак булырга, тизлек режимын һәм дистанцияне сакларга киңәш ителә. </p>

2025-03-11T15:13:00+0300