Якын көннәрдә Татарстанда томан, юеш кар һәм бозлавык булуы көтелә

Иртәгә көндез Казанда һава температурасы +6 градустан артмаячак.

Фото: Денис Гордийко

(Казан шәһәре KZN.RU, 2-нче ноябрь). Якын көннәрдә Татарстанда синоптиклар томан, яңгыр, юеш кар һәм бозлавык фаразлый. Республикада һава торышы төньяктан килгән көчле һәм колачлы антициклонның көнбатыш перифериясе йогынтысында формалашачак, атмосфера басымының артуы көтелә.

Казанда 3-нче ноябрьдә алмашынучан болытлы һава, явым-төшемсез булачак. Көнчыгыш, көньяк-көнчыгыштан салмак җил исәчәк. Һава температурасы төнлә +1-дән -1 градуска кадәр булачак, көндез – 4-дән 6 градуска кадәр җылы. Татарстан буенча төнлә һәм иртән республиканың көнбатышында урыны белән көчле булмаган яңгырлар явачак, кайбер районнарда томан булуы ихтимал. Һава температурасы -2 градуска кадәр төшәчәк, төньякта һәм көнчыгышта – минус 7-гә кадәр. Көндез аяз һава торышы фаразлана, явым-төшемнәрсез, ә көндезге температуралар +6 градустан артмаячак.

4-нче ноябрьдә республикада төнлә явым-төшемсез, көндез юеш кар белән бераз яңгыр булуы, шулай ук көньяктан секундына 15-18 метрга кадәр җилнең көчәюе көтелә. Төнлә һава температурасы - 6 градуска, көндез +5 градуска җитәчәк.

5-нче ноябрьдә төнлә урыны белән зур булмаган күләмдә явым-төшемнәр булачак. Шулай ук тәүлек дәвамында көчле җил сакланачак. Төнлә һава температурасы +2...+3 градус, көндез +8 градус тәшкил итәчәк.

Һаваның тискәре температуралары һәм катнаш явым-төшемнәр сәбәпле юлларның аерым участокларында бозлавык барлыкка килергә мөмкин. Моннан тыш, ТР Гидрометериология үзәгенең якынча фаразлары буенча, 6-нчы ноябрьдән 7-нче ноябрьгә кадәр яңгыр һәм юеш кар рәвешендәге кыска вакытлы явым-төшемнәр һәм көчле җил көтелә.

Шулай ук укыгыз

Барлык яңалыклар