Якын арада Казан зооботаника бакчасына фил китерәчәкләр

Якын арада Казан зооботаника бакчасына фил китерәчәкләр

<p> </p> <div class="detail-picture"> <img src="https://kzn.ru/upload/iblock/980/MMB_5889-870.jpg"> <p class="detail-picture__caption"> Фото: Марат Мөгыйнов </p> </div> <p> (Казан шәһәре KZN.RU, 20 нче февраль). Якын арада Казан зооботаника бакчасында фил пәйда булыр дип көтелә. Бу хакта эшлекле дүшәмбедә Казан Башкарма комитетының Мәдәният идарәсе башлыгы Азат Абзалов хәбәр итте. </p> <p> Журналистларның сорауларына җавап биреп, ул хайванны күчерү турында килешүгә ирешелгәнен аңлатты. Ләкин, күченгәнче, филгә транспортировка шартларына күнегү өчен вакыт кирәк. Сәяхәтнең хайванга зыян китермәве мөһим, дип билгеләп үтте А.Абзалов. </p> <p> Хәзер Казан зооботаника бакчасында 989 төрдәге үсемлек һәм 125 төрдәге 2853 хайван исәпләнә. 2022 елда анда яңа яшәүчеләр барлыкка килде: горилла, Сомали ишәге, фламинго, фазан, кикрикле дикобразлар, Ерак Көньчыгыш урман мәчесе, гади кама, саргылт яшел агути, Валий һәм Бурск кәҗәләре, Сомали сарыклары, Чапман зебрасы. </p> <p> </p> «Алга таба зооботаника бакчасы территориясендә тарихи өлешне, оранжереяны реконструкцияләргә һәм «Россия – Врангель утравы» территориясенең яңа концепциясен тормышка ашырырга планлаштыралар, ул Россия флорасы һәм фаунасына багышланачак», – дип планнары белән уртаклашты А.Абзалов.

2023-02-20T10:46:00+0300