Яңалыклар
15.09.2023, 12:16
Казанның Авиатөзелеш районында Вересаев урамын ремонтлау тәмамланды
400 метр озынлыктагы участокта асфальт яңартылган, яңа юл билгеләре куелган һәм тамгалар төшерелгән
Фото: Денис Гордийко
(Казан шәһәре KZN.RU, 15 нче сентябрь). Казанның Авиатөзелеш районында Вересаев урамының 400 метр озынлыктагы участогы ремонтланды. Эшләр «Имин сыйфатлы юллар» илкүләм проекты буенча үтте.
Пржевальский урамыннан Ударная урамына кадәрге участокта 5,2 мең кв.м мәйданда ЩМА-11 югары ныклы вак таш-мастик асфальт-бетоннан өске катлам япма түшәлгән, 1,1 мең кв.м мәйданлы тротуарлар ремонтланган. 595 м юл борт ташы һәм 466 м тротуар ташы алыштырылган.
Гомуми мәйданы 88 кв.м булган тукталыш кесәләре һәм бер тукталыш павильоны төзелгән. Эшчеләр 79 юл билгесе куйдылар, юл тамгалары төшерделәр һәм светофорлар белән көйләнә торган җәяүлеләр кичүе белән тәэмин иттеләр, дип хәбәр итә Татарстанның Транспорт һәм юл хуҗалыгы министрлыгының матбугат хезмәте.
Исегезгә төшерәбез, «Имин сыйфатлы юллар» илкүләм проекты буенча 2023 елга Казанда 12 юл участогын ремонтлау планлаштырылган. Алар арасында Коләхмәтов, Хәсән Туфан, Адоратский һәм башка урамнар бар. Август аенда шәһәрнең Мәскәү районында Городская урамында юл япмасын ремонтлау тәмамланган.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:02 -
29.04.2025, 10:11
