2026 елда Казанда 27 муниципаль программа гамәлгә ашырылачак

2026 елда Казанда 27 муниципаль программа гамәлгә ашырылачак

<div class="callout callout-blue"> <p> Казанда 2026 елда 27 муниципаль программа гамәлгә ашырылачак. Казан Ратушасында башкала мэры Илсур Метшин рәислегендә Казан шәһәре Думасы президиумы утырышы узды, анда киләсе елга төп эш юнәлешләре тәкъдим ителде. Депутатлар муниципаль программаларны гамәлгә ашыру, спорт инфраструктурасын үстерү һәм шәһәрнең норматив базасын камилләштерү турында фикер алыштылар. </p> </div> <br> <div class="detail-picture"> <img src="https://kzn.ru/upload/iblock/b9c/b9c646c0d1a43db161a589463a55d95f.jpg"> <p class="detail-picture__caption"> Денис Гордийко фотосы </p> </div> <h3>Спорт секцияләре, җитештерү эшчәнлеге нәтиҗәсендә барлыкка килгән чүп күләмен киметү һәм аралашу мәйданчыклары булдыру </h3> <p> Бюджет-финанс мәсьәләләре, җирле салымнар һәм керемнәр буенча даими комиссия рәисе Григорий Шалымов хәбәр иткәнчә, 2026 елда Казанда 19 ы финанс чаралары белән тәэмин ителгән 27 муниципаль программаны гамәлгә ашыру планга кертелә. Депутатларга программалар исемлеген һәм аларны каплау чыганакларын җентекләп карарга һәм расларга кирәк булачак. </p> <p> Законлылык, хокук тәртибе һәм җирле үзидарә мәсьәләләре буенча даими комиссия рәисе Рөстәм Рамазанов игътибарны ышанычлы норматив база булдыру кирәклегенә юнәлтте. «Даими үсеш режимында яши торган шәһәр өчен карарларның тиз һәм кыю кабул ителүе, әмма шул ук вакытта алдан әзерләнгән төгәл хокукый кысаларга таянуы мөһим», - дип билгеләде ул. </p> <p> Аннан соң депутатлар киләсе елга каралган планнар турында фикер алыштылар. Спорт инфраструктурасын үстерү һәм шәһәр халкын физик чаралар белән шөгыльләнүгә җәлеп итү өстенлекле бурычларның берсе булып кала. Рөстәм Рамазанов мәктәпләрне халыкны җәлеп итү үзәкләренә әйләндерү тәкъдиме белән чыкты. Ул белем бирү йортлары базасында балалар өчен дә, өлкәннәр өчен дә мөмкин булган спорт секцияләре ачарга тәкъдим итте. </p> <p> «Без велосипед уйлап тапмыйбыз. Теләге булган һәр кеше үзенең яшәү урыны буенча спорт белән шөгыльләнә алырга тиеш. Дәүләт балалар һәм өлкәннәр өчен аерым мәйданчыклар төзи алмаячак. Әмма, террорчылыкка каршы таләпләр артуга карамастан, күптән түгел булган берничә вакыйга спорт инфраструктурасын ябу өчен киртә була алмый. Бу сорау физик чаралар белән актив кызыксынган балаларыбызга һәм шәһәр халкына кагыла. Без бу инфраструктураны үстерүгә миллиардлар кертәбез, әмма ул әлегә кадәр тулы көченә эшләми», - дип билгеләде Казан мэры Илсур Метшин. </p> <p> Тотрыклы үсеш стратегиясен (ESG) алга сөрү кысаларында Рөстәм Рамазанов профильле белгечләр өчен аралашу мәйданчыклары булдыру тәкъдимен җиткерде. Моннан тыш, эшмәкәрләрнең хокукый грамоталылыгын арттыру өчен, ул махсус юридик форум уздырырга тәкъдим итте. Казан мэры Илсур Метшин, әлеге тәкъдимне хуплап, форумга алдан әзерлек эшләрен башлап җибәрергә кушты. </p> <p> Шәһәр төзелеше һәм торак-коммуналь хуҗалыгы буенча даими комиссия рәисе урынбасары Наил Галиев бүлекчә эшенең төп юнәлешләре шәһәрне үстерү буенча кабул ителгән «Зур Казан» программасы белән тыгыз бәйләнгән булуын ассызыклады. Өстенлекле эш юнәлешләре исемлегенә түбәндәгеләр: Казан агломерациясен үстерү, инженерлык челтәрләрен төзекләндерү, газ казаннары булган торак фондын модернизацияләүне дә кертеп, идарәче компанияләр эшчәнлегенә контрольне катгыйландыру, элеккеге сәнәгать зоналарын торгызу, «Казан – судагы шәһәр» концепциясен гамәлгә ашыруда актив катнашу, җитештерү эшчәнлеге нәтиҗәсендә барлыкка килгән чүп күләмен киметү кертелгән. </p> <h3> Инклюзив һәм патриотик маршрутлар, туган телләрне өйрәнү өчен бердәм үзәк булдыру һәм лагерьлардагы пионерлар </h3> <p> Яшьләр эшләре, физик тәрбия һәм спорт комиссиясе рәисе Юрий Суворов патриотик тәрбияне көчәйтү тәкъдимен җиткерде. Ул ветераннарны остазлык программасына җәлеп итү, шулай ук заманча лагерьларда совет заманындагы пионер модельләрен («октябрь баласы») җайлаштыру мөмкинлекләрен өйрәнү кирәклеген билгеләп үтте. </p> <p> Социаль-икътисади үсеш, эшмәкәрлек һәм муниципаль милек буенча даими комиссия рәисе Айдар Габделхаков эшмәкәрлек һәм шәһәр өчен өстенлекле бурычларны билгеләде. Ул яңа торак комплексларга һәм ерак бистәләргә барып җитү мәсьәләләренә игътибар итеп, җәмәгать транспортына кагылышлы четерекле сорауларны хәл итү, эко-инклюзив һәм некрополь туризмын үстерү, яңа патриотик туристлык маршруты булдыру, шулай ук икенчел чималны үтильләштерү өлкәсендә эшләүче эшмәкәрләргә өстенлекле ярдәм күрсәтү мәсьәләләренә аерым тукталды. </p> <p> Мәгариф, мәдәният һәм милли мәсьәләләр буенча даими комиссия рәисе Юрий Казаков игътибарны мәктәпләрнең тәрбияви роленә һәм укучыларның һөнәри юнәлешенә, шул исәптән сәламәтлеге чикле балаларны эшче белгечлекләргә өйрәтүгә юнәлтте. Ул шулай ук федераль грантлар аша укытучыларның квалификациясен күтәрү мәсьәләләренә тукталып, «Физика һәм химия буенча алгарыш» республика проекты кысаларында химия укытучыларына ярдәм күрсәтелүен белдерде. Туган телләрне, аерым алганда, татар телен өйрәнү өчен бердәм үзәк булдыру тәкъдиме иң мөһим фикер булды. </p> <p> «Хезмәттәшләр, без фикер алыша торган мәсьәләләрнең барысы да бик мөһим. Әйтелгән тәкъдимнәрне мәгълүмат буларак кына кабул итмибез, иң төп фикерләр «кәгазьгә салыначак». Һәм без аларның үтәлешен күзәтеп торачакбыз, Башкарма комитет белән бергә куелган максатларны һәм бурычларны гамәлгә ашыру өстендә эшләячәкбез», - дип билгеләде Казан мэры Илсур Метшин. </p> <p> Утырышта шулай ук сайланган депутатларны сәяси партияләр исемлегенә беркетү мәсьәләләре, Казан шәһәре Думасы депутатларының кабул итү графигы каралды. Депутатларга беркетелгән округтагы мәктәптә һәр айның беренче чәршәмбесендә депутатлар тарафыннан 17:00–19:00 вакыт аралыгында халыкны кабул итү турында карар бертавыштан кабул ителде. </p> <p> Казан шәһәре Думасының IV сессиясе 17 декабрьдә уздырыла. Анда депутатлар тарафыннан 27 мәсьәлә каралачак. </p> <p> Президиум утырышында шулай ук муниципаль берәмлек башлыгының беренче урынбасары Денис Калинкин, муниципаль берәмлек башлыгы урынбасары Евгения Лодвигова, муниципаль берәмлек башлыгы урынбасары Гүзәл Сәгыйтова, Башкарма комитет җитәкчесе Рөстәм Гафаров, район администрацияләре башлыклары һәм Казан шәһәре Думасы әгъзалары катнашты. </p>

2025-12-10T17:28:30+0300