В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
21.03.2022, 16:15
2023 елда Татарстанда капиталь төзелеш объектларына дәүләт кадастр бәяләве үткәреләчәк
Күчемсез милек объектларына ия булучыларга аларның характеристикалары турында декларацияләрне киләсе елның 1 нче гыйнварына кадәр тапшырырга кирәк.
Фото: Денис Гордийко
Әзерлек этабы кысаларында күчемсез милек объектлары хокукына ия булучылар аларның характеристикалары турында декларацияләрне 2023 елның 1 нче гыйнварына кадәр Дәүләт кадастр бәяләве үзәгенә тапшырырга хокуклы. ТР Җир һәм мөлкәт мөнәсәбәтләре министрлыгы кадастр бәясен билгеләү өчен бәяләү объектларының санын һәм сыйфат характеристикаларын төгәлләштерү кирәклеге турында хәбәр итә: объект төре, урнашу урыны, мәйданы, файдалануга тапшыру елы, кадастр бәясенә йогынты ясый торган башка факторлар.
Тулырак мәгълүмат белән Дәүләт кадастр бәяләве үзәге сайтының «Хезмәтләр» бүлегенең «Күчемсез милек объекты характеристикалары турында декларация» бүлекчәсендә танышырга мөмкин.
Декларацияне Париж Коммунасы ур., 8 адресы буенча Дәүләт кадастр бәяләве үзәгенә шәхсән мөрәҗәгать итеп (бина почмагыннан керәсе, «БТИ» АҖ документларын кабул итү зонасы), яисә аны электрон документ формасында (мөрәҗәгать көчәйтелгән квалификацияле электрон имза белән расланган булырга тиеш) Gbu.Cgko@tatar.ru почтасы аша бирергә мөмкин. Шулай ук капиталь төзелеш объектлары турында мәгълүмат күп функцияле үзәкнең барлык филиалларында да кабул ителә.
Шулай ук укыгыз
-
28.07.2025, 16:04 -
28.07.2025, 15:10 -
28.07.2025, 14:23 -
28.07.2025, 13:17