2021 елда Татарстанда җир кишәрлекләренә дәүләт кадастр бәяләве үткәреләчәк

Киләсе елның 1-нче гыйнварына кадәр күчемсез милек объектларына хокукка ия булучыларга аларның характеристикалары турында декларация тапшырырга кирәк.

(Казан шәһәре KZN.RU, 3-нче август). 2021 елда Татарстан территориясендә торак пунктлар җирләре категориясендәге җир кишәрлекләренә дәүләт кадастр бәяләве үткәреләчәк. Әзерлек этабы кысаларында киләсе елның 1-нче гыйнварына кадәр күчемсез милек объектларына хокукка ия булучыларга аларның характеристикалары турында декларация тапшырырга кирәк.

Гражданнар объектларының кадастр бәясен билгеләү өчен объектларның төп, микъдари һәм сыйфат характеристикаларын ачыклауны сорыйлар. Моның өчен рөхсәт ителгән файдалану төрен күрсәтергә, урынын, мәйданын, фактта файдалануны, күчемсез милек объектының кадастр бәясенә йогынты ясый торган башка факторларны тасвирларга кирәк. Тулырак мәгълүматны Дәүләт кадастр бәяләве үзәге сайтында «Хезмәт күрсәтү тәртипләре» бүлегендә табарга мөмкин.

Декларация белән шәхсән Дәүләт кадастр бәяләве үзәге дәүләт бюджет учреждениесенә түбәндәге адрес буенча мөрәҗәгать итәргә була: Париж Коммунасы ур., 8 (керү - бина почмагыннан , «БТИ» акционерлык җәмгыятенең документлар кабул итү зонасы) яисә аны электрон рәвештә түбәндәге почтага җибәрергә була: Gbu.Cgko@tatar.ru. Моннан тыш, күчемсез милек объектлары турындагы мәгълүмат КФҮнең теләсә кайсы республика филиалында кабул ителә, дип хәбәр итә Җир һәм милек мөнәсәбәтләре министрлыгы.

Шулай ук укыгыз

Барлык яңалыклар