2021 елда Киров һәм Мәскәү районнарында 54 күпфатирлы йортка капиталь ремонт ясалачак

74 ишегалды территориясен төзекләндерү планлаштырыла.

Фото: Казан шәһәре KZN.RU

(Казан шәһәре KZN.RU, 19-нчы февраль, Ксения Швецова). Казанның Киров һәм Мәскәү районнарында 2020 елда, һәр объект өчен заманча технологик һәм шәхси чишелешләр кулланып, 67 йортка капиталь ремонт ясалган. Агымдагы елда капиталь ремонт программасына 54 күпфатирлы йорт кертелгән. Бу хакта Киров һәм Мәскәү районнары администрациясе башлыгы Сергей Миронов узган ел эш нәтиҗәләре турында хисап барышында Казан Мэры Илсур Метшинга хәбәр итте.

Мәскәү районы символы – Декабристлар урамы, 183 адресы буенча урнашкан легендар «сталинка» ремонтланган

Узган ел районнарда 67 йортны ремонтлау өчен 454 млн сум акча тотылган. Шулар арасында Мәскәү районы символы – Декабристлар урамы, 183 адресы буенча урнашкан легендар «сталинка». «Быел без бинаны архитектура доминанты буларак яктырту мәсьәләсенә кире кайтырга телибез», – дип билгеләде С.Миронов.

Быел районнарда 54 йортны ремонтлау көтелә. Моннан тыш, бүгенге көндә Петров исемендәге паркка тоташкан йортларның фасадларын һәм түбәләрен ремонтлау мәсьәләсе дә карала.

Районнарда йортларны капиталь төзекләндерү белән беррәттән ишегалды территорияләрен төзекләндерү буенча актив эш алып барыла. С.Миронов хәбәр иткәнчә, «Безнең ишегалды» программасы буенча 71 ишегалды киңлеге төзекләндерелгән, хәзер аның белән 22 меңнән артык кеше файдалана.

«Объектларны проектлау мәҗбүри рәвештә иҗтимагый фикер алышулар уздыру белән башкарылды, – дип ассызыклады район администрациясе башлыгы. – Халык белән диалог ремонт процессында да дәвам итте, бәхәсле мәсьәләләр буенча без очрашулар үткәрдек һәм барлык мөрәҗәгатьләрне эшкәрттек».

Быел ремонт өчен 74 ишегалды проектланды һәм әзерләнде. «Көз көне идарәче компанияләр, архитекторлар һәм подрядчы оешмалар белән бу елга программага кергән йорт яны территорияләре турында фикер алышу уздырдык. Без кешеләрне проектлар белән таныштырдык, һәр ишегалды үзенчәлекләрен һәм кварталара элемтәләрне исәпкә алдык. Быел ремонт үткәреләчәк һәр ишегалды үз тематикасына ия, һәм бу архитектур чишелешләрдә һәм бизәлешләрдә чагылыш табачак», – диде С.Миронов.

Районнарда 27 км юл яңартылган

Узган ел Киров һәм Мәскәү районнарында гомуми мәйданы 300 мең квадрат метрдан артык булган 27 км юл ремонтланган. Асфальтны шәһәрнең җиде урамында: Болотников, Фрунзе, 2 нче Иске Аракчино, Тэцевская, Равнинная, Автосервис, Горький Шоссесының дублер-юлы, шулай ук биш бистә – Машинистлар, Мастерлар, Прудная, Брюсов, Павлик Морозов урамнарында яңарттылар. Моннан тыш, квартал эчендәге алты машина юлы төзекләндерелде.

Тукталыш павильоннарын яңарту да дәвам итә – 2020 елда 88 павильон төзекләндерелде, шулай ук яңа үрнәктәге 27 павильон урнаштырылды.

«Казан Мэрының катнашуы нәтиҗәсендә, «Салават күпере»ндә Осиново урамы буйлап юлны киңәйтү мәсьәләсе карарын чыгаруга ирешелде, – диде С.Миронов. – Юл проекты үтәлде һәм экспертиза үтте, эш алып барыла».

Иҗтимагый киңлекләрне яңарту барышында, 2020 елда Юдино бистәсендәге төп мәйдан ремонтланган, анда борынгы фонтанны торгызганнар, балалар мәйданчыгын җиһазландырганнар.

Шулай ук укыгыз

Барлык яңалыклар