2020 елда Казанда Җиңү проспекты төзекләндереләчәк

Юл эшләре Академик Завойский урамыннан алып Академик Губкин урамына кадәрге участокта башкарылачак.

(Казан шәһәре KZN.RU, 6-нчы февраль). Казанда 2020 елда «Имин һәм сыйфатлы автомобиль юллары» милли проекты буенча Академик Завойский урамыннан алып Академик Губкин урамына кадәр булган Җиңү проспектын ремонтлау планлаштырыла. Ремонт барышында асфальт-бетон өслегенең өске катламы алмаштырылачак.

Җиңү проспекты - шәһәрнең иң озын магистральләренең берсе, аның озынлыгы 10 чакрым тәшкил итә. Урам үзенең исемен 1975 елда Бөек Ватан сугышында Җиңүнең 30 еллыгын бәйрәм иткәндә ала. Алты полосалы магистраль Совет һәм Идел буе районнарын тоташтыра, Азино һәм Горки «йокы» кварталлары аша уза һәм Казан халыкара аэропортына алып бара. 2000 еллар башында проспект составына Мамадыш тракты белән кисешкәнчегә кадәр 2 нче Азино урамы кертелә.

Җиңү проспекты «Имин һәм сыйфатлы автомобиль юллары» милли проекты буенча төзелә торган Зур Казан боҗрасының бер өлеше булып тора.

Быел илкүләм проект буенча Казан агломерациясендә ремонт программасына 27 юл-урам челтәре объекты кергән, шуларның 9-ы - Казанда. Нәтиҗәдә, агломерация буенча норматив транспорт-эксплуатация хәлендә булган автомобиль юллары өлеше ел ахырына 84% тәшкил итәчәк, дип хәбәр итә ТР Транспорт һәм юл хуҗалыгы министрлыгы матбугат хезмәте.

Шулай ук укыгыз

Барлык яңалыклар